Koronavırýs: ShQO-da mobıldi brıgadalar sany artty

ÓSKEMEN. QazAqparat – Shyǵys Qazaqstan oblysynda COVID-19 ınfektsııasyna shaldyqqandarǵa úıde kómek kórsetetin mobıldi brıgadalar sany artty, dep habarlaıdy QazAqparat tilshisi.

«Áleýmettik medıtsınalyq saqtandyrý qory» ShQO fılıaly baspasóz qyzmetiniń málimetine súıensek, sońǵy kúnderi óńir boıynsha koronavırýs juqtyrǵandardyń óskendigi baıqalady. Osyǵan baılanysty oblysta mobıldi brıgadalar sany 356-ǵa deıin ulǵaıtyldy.

«Patsıentter aınalasyndaǵylarǵa qaýip tóndirmeýi jáne úıde qajetti medıtsınalyq kómek alýy úshin mobıldi brıgadalar qurylǵan. Olar óz aýmaǵy boıynsha qyzmet kórsetedi. Jumys ýaqyty – 8.00-den 20.00-ge deıin. Eger naýqas emhanada tirkelgen mekenjaıy boıynsha turmaıtyn bolsa, oǵan «103» nómirine habarlasý qajet. 20.00-den keıingi qońyraýlarǵa jedel járdem dárigerleri qyzmet kórsetedi», - dedi fılıal basshysy Ǵalymjan Ábilov.

Sonymen qatar rezervte osyndaı 120 mobıldi brıgada bar. Olardy shaqyrý úshin turǵyndardan eshqandaı aqy talap etilmeıdi. Barlyq tıisti qarajat MÁMS qorynan óteledi.