Koronavırýs: Shetelge joldama alyp qoıǵandar ne isteıdi - vıtse-mınıstrdiń jaýaby
«Búgingi kúni biz áýe reısterin toqtatyp otyrǵan joqpyz, qysqartyp otyrmyz. Mysaly, Nur-Sultan - Ystanbul baǵyty boıynsha 30 reıs 6 reıske qysqardy. Bizde avıatsııalyq ákimshilik qurylǵan. Ol jerde táýlik boıy baılanys nómirleri jumys isteıdi. Jolǵa shyqpaı qalǵandardyń bıletterin áýe kompanııalary eshqandaı aıyppulsyz qaıtaryp beredi. Al bıletti basqa kúnge aýystyrý qajet bolsa, ol jaǵy da qarastyrylǵan», - deıdi QR Indýstrııa jáne ınfraqurylymdyq damý vıtse-mınıstri Berik Qamalıev.
Sondaı-aq, QR Densaýlyq saqtaý mınıstri Eljan Birtanov qaýipti jaǵdaı týraly halyqqa 6 qańtar kúni eskertilgeni týraly aıtty.
«6 qańtar kúni koronavırýsqa baılanysty alǵashqy baspasóz máslıhaty ótken. Odan keıin 13, 20 qańtarda, ıaǵnı aptasyna bir ret osyǵan qatysty brıfıng ótip otyrdy. Qaýipti jaǵdaıǵa baılanysty shetelge barý týraly jospardy toqtatý kerektigi týraly eskertkenbiz. Azamattardyń ózderinde de jaýapkershilik bolýy kerek. Bizdiń keńesimizge qulaq aspaǵandyqtan osyndaı jaǵdaılar bolyp jatyr. Koronavırýs juqtyrý qaýpi joǵary memleketterge barýdan bas tartý kerek», - deıdi ol.