Koronavırýs: Sáýir aıynda Qazaqstanda 2,5 mln doza vaktsına bolady

NUR-SULTAN. QazAqparat – Densaýlyq saqtaý mınıstri Alekseı Tsoı vaktsınalaý qarqyny jaıly aıtyp berdi, dep habarlaıdy QazAqparat tilshisi.

«Sáýir aıynda 2,5 mln doza vaktsına bolady dep josparlap otyrmyz. Ózge elderdegi sekildi bastapqyda halyq ekpeni saqtyqpen, kúdikpen saldyra bastady. Birinshi toptaǵy dárigerler, pedagogter ekpe aldy. Bul óz kezeginde tıisti áser berdi, adamdardyń vaktsınaǵa senimi arta bastady. Osy oraıda qazir óz erkimen vaktsına saldyrýǵa nıetti adamdar kóbeıdi», - dedi mınıstr Ortalyq kommýnıkatsııalar qyzmetinde.

Onyń aıtýynsha, sáýir aıynan bastap Qazaqstan boıynsha vaktsınalaýdyń túrli pýnkteri iske qosylady, ıaǵnı turǵyndardy qamtý keńeıtiledi. Sáýirde turǵyndar ózderiniń tirkelgen jeri boıynsha emhanalarǵa baryp, ekpe saldyra alady.

Budan buryn habarlanǵandaı, Alekseı Tsoı sońǵy 2 aptada Almaty, Nur-Sultan, Shymkent qalalarynda, Aqtóbe, Almaty oblystarynda naýqas sany artyp, jalpy KVI juqtyrǵandar 1,5 ese óskenin aıtty.

«Halyq arasynda vırýstyń qaýiptiligine senbeıtin adamdar bar, olar úılený toılaryn, banketterdi jeke úıler men kottedjderde ótkizýdi jalǵastyryp keledi», - dedi mınıstr.