Koronavırýs saldary álemdik ekonomıkaǵa áser etpeı qoımaıdy - sarapshy

NUR-SULTAN. QazAqparat - QR Prezıdenti janyndaǵy Qazaqstan strategııalyq zertteýler ınstıtýty halyqaralyq zertteýler bóliminiń basshysy Ásel Nazarbetova Qaýipsizdik Keńesiniń otyrysy týraly pikir bildirdi, dep habarlaıdy QazAqparat tilshisi.

«QR Tuńǵysh Prezıdenti – Elbasy Nursultan Nazarbaevtyń tóraǵalyǵymen ótken Qaýipsizdik Keńesiniń otyrysynda ishki jáne jahandyq deńgeıdegi kún tártibindegi óte ózekti máseleler qaraldy. ıAǵnı, eldi dúr silkindirgen Qordaı oqıǵasy, búkil álemniń zor alańdaýshylyǵyn týdyryp otyrǵan koronavırýs indetimen kúres sııaqty máseleler, únemi Elbasynyń nazarynda jáne osy jaǵdaılardyń saldaryn retke keltirýge Qaýipsizdik Keńesiniń múshelerin jumyldyryp, kóp jyldyq mol basqarýshylyq tájirıbesimen bólisýde», -deıdi sarapshy.

Qordaı oqıǵasy týraly Elbasynyń: «Bul oqıǵa meni qatty alańdatady. Otyz jyl boıy halqymyzben birge edáýir qıyndyqtardy ótkerip edik. Jastar bul qıyndyqtardy tipti elestete de almaıdy», - degen sóziniń astarynda búgingi kúnimizdiń ıgiligin ótkenimizge, memleket qurýdaǵy kúrdeli jolymyzǵa árdaıym baǵa bere otyryp seziný kerek degen oı jatyr.

«Jambyl oblysynyń Qordaı aýdanynda oryn alǵan jaıtty qalpyna keltirý jumystary tıisti qarqynmen júrip jatyr. Degenmen oqıǵanyń sebebin jan-jaqty, keshendi túrde zerttep, osydan sabaq alý arqyly mundaı konflıktilerdi boldyrmaý tek memlekettik organdar, quzyretti tulǵalar, QHA ókilderiniń, sarapshy-zertteýshilerdiń ǵana jaýapkershiligimen shektelmegeni durys. Osy kúnderi aıtylyp jatqan pikirler, ýájder, úndeýler elimizdegi pikir alýandyǵynyń, tipti qarama-qaıshy ustanymdardyń aıqyn kórinisi boldy. Sol sebepti árbir Qazaqstan azamatynyń eń basty qundylyǵy – eldegi turaqtylyq ekenin taǵy qaıtalaımyz», - dedi Á. Nazarbetova.

Spıkerdiń aıtýynsha, jer-jahandy ortaq qaýip-qaterge boı aldyryp otyrǵan koronavırýs dertiniń órshýi de adamzat taǵdyryna áser etetin faktorlardyń kenetten paıda bolatynyn, onymen kúreste barlyǵymyzdyń birigýimiz qajet ekenin aıǵaqtaıdy.

«Sebebi koronavırýs saldary álemdik ekonomıkaǵa, ıaǵnı álem halyqtarynyń turmys-tirshiligine áser etpeı qoımaıdy. QR Tuńǵysh Prezıdenti – Elbasy N.Á.Nazarbaevtyń Qaýipsizdik Keńesiniń kún tártibine atalǵan máselelerdi shyǵarýy olardyń aýqymdylyǵyna jáne qaýipsizdigimizge syn-qater ekendigine mán bergizdi, saldaryn eńserýde ortaq jaýapkershiliktiń mańyzdylyǵyn kórsetti», - dedi Ásel Nazarbetova.