Koronavırýs: Reseıde jalǵan anyqtamalarmen kúres júrip jatyr

NUR-SULTAN. QazAqparat - Reseıde COVID-19 týraly jalǵan anyqtamalarmen kúres júrip jatyr, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Ýlıanovsk týrıstik fırmalarynyń biriniń qyzmetkerleri PTR-test nátıjeleri bar anyqtamalardy jasyrǵany úshin ustaldy.

Týrkompanııanyń úsh qyzmetkeri klıentter sanyn arttyrý týraly sheshim qabyldap, PTR-testten ótýge «kómektesip» kelgen. Árıne, test árqashan «teris» nátıje kórsetken. Olar shetelge ketýshilerge jáne shetelden oralǵandarǵa osyndaı anyqtamalardy usynǵan. Ár formanyń quny 1 200 rýbl. Týrıstik alaıaqtar qujattardy qoldan jasaǵany úshin qylmystyq jaýapqa tartylady.

«Ujymdyq ımmýnıtet koronavırýs ınfektsııasynyń maýsymdyq aýrýlar tizimine enýine ákeledi. Immýnıtettiń belgilengen deńgeıi 80%-dan tómen bolmaýy kerek, - dedi Rospotrebnadzor Ortalyq ǵylymı-zertteý ınstıtýty epıdemıologııa dırektorynyń ǵylymı jumystar jónindegi orynbasary, Reseı ǵylym akademııasynyń korrespondent-múshesi Aleksandr Gorelov.

«Eger ujymdyq ımmýnıtet qalyptassa, vırýstyń ózgerý deńgeıi tómendeıdi, óıtkeni ol tek ımmýndyq emes aǵzada mýtatsııaǵa ushyraıdy, al ujymdyq ımmýnıtet 80% bolýy kerek», - dep túsindirdi ǵalym.