Koronavırýs: PTR-anyqtamasy bolmaǵan 3 reseılik shekaradan keri qaıtaryldy
16:15, 21 Sáýir 2021
PAVLODAR. QazAqparat - Pavlodar oblys aýmaǵynda ornalasqan avtomobıl ótkizetin 4 shekaralyq bekette adamdardyń kirip-shyǵýyna baqylaý jalǵasýda, dep habarlaıdy QazAqparat.
«Ótken táýlikte Pavlodar oblysy aýmaǵyndaǵy memlekettik shekara beketterinen 321 azamat ótti. Onyń ishinde 137 jaıaý jolaýshy, 184 júk kóliginiń júrgizýshileri boldy. PTR-anyqtamasyz kelgen 8 qazaqstandyq karantındik statsıonarǵa jatqyzyldy.
Shekara beketine PTR-anyqtamasyz kelgen Reseı Federetsııasynyń 3 azamatyna el aýmaǵyna ótýine tyıym salyndy», - delingen Qazaqstanda koronavırýstyń taralýyna jol bermeý jónindegi vedomstvoaralyq komıssııa aqparatynda.