Koronavırýs, pnevmonııa statıstıkasyn biriktirý arqyly jaǵdaıdy durys baǵalaımyz - Aıgúl Soloveva
«Eń aldymen osy qabyldaǵan sheshimge qoldaý bildiretinimdi aıtqym keledi. Biz aınaǵa qarap, shyndyqqa janaspaıtyn obrazdar qalyptastyramyz. Dúnıejúzilik densaýlyq saqtaý uıymy jasaǵan jańa kodtarǵa sáıkes jańa sheshimge kelgenimiz durys boldy. Buryn da DDSU-nyń ustanymyn ustadyq qoı, biraq koronavırýs ınfektsııasy - álemde bolǵan jańa qubylys. DDSU-da ýaqyt ótken saıyn jetile túsetini sózsiz, sol sebepti de osy kodtar engizildi. Endi ol uıym máseleni sheshý joldary týrady keńes beredi dep senemiz», - deıdi Aıgúl Soloveva.
Onyń aıtýynsha, koronavırýs pen pnevmonııa statıstıkasyn biriktirý jaǵdaıdy durys baǵalaýǵa múmkindik beredi.
«Eýropalyq densaýlyq saqtaý uıymynyń tótenshe jaǵdaılar boıynsha aımaqtyq dırektory Dorıt Nıtsan azamattarǵa qorqyp, dúrbeleń týǵyzýǵa bolmaıtynyn aıtty. Bul shynaıy ómirde bolyp jatqan oqıǵa kórinisi. Qazaqstan Ortalyq Azııa elderi ishinde jaǵdaıdy birlesip sheshý úshin halyqaralyq uıymmen baılanysqa shyqqan el boldy. QR Prezıdenti túnde óz oıyn aıtty, al kelesi kúni osy aqparat shyqty. ıAǵnı jaǵdaıdy talqylap, nátıje shyǵardy. Prezıdenttiń tapsyrmasyna osyndaı jyldamdyqpen nazar aýdarǵanda kóp nárse ýaqytyly sheshiler edi. QR Densaýlyq saqtaý mınıstrin osy máselege jedel nazar aýdarǵany úshin qolpashtaýǵa bolady. Olar bárin egjeı-tegjeıli túsindirip beretin halyqaralyq sarapshylardy iske qosty», - deıdi ol.
Eske sala keteıik, keshe QR Prezıdenti Qasym-Jomart Toqaev Úkimetke pandemııanyń statıstıkasyn birizdendirýdi mindettegen bolatyn. Búgin Qazaqstanda koronavırýs pen pnevmonııa statıstıkasy biriktiriletini habarlandy.