Koronavırýs: Pfizer vaktsınasy muzdatqyshta búlinbeıdi, Izraıl halyqtyń jartysyna ekpe jasady

NUR-SULTAN. QazAqparat – Koronavırýsqa qarsy birden eki vaktsına budan da qoljetimdi ári qoldanysta yńǵaıly bolýy tıis.

Amerıka bıligi Pfizer óndirgen preparatty joǵary dep sanalǵan burynǵy temperatýradan salqyndaý jaǵdaıda saqtaýǵa bolatynyn, al Johnson & Johnson shyǵarǵan, birinshi ekpeden keıin tolyq qorǵanysty qamtamasyz etetin jańa vaktsınanyń kóp uzamaı AQSh pen Eýroodaqta lıtsenzııa alatynyn málimdedi. Izraıl óz turǵyndarynyń jartysynan kóbine ekpe jasaǵanyn jarııalady, dep habarlaıdy QazAqparat BBC agenttigine silteme jasap.

Djons Hopkıns ýnıversıtetiniń dereginshe, pandemııa bastalǵan ýaqyttan beri koronavırýsqa shaldyqqan adamdardyń jalpy sany 113,1 mln adamdy qurap otyr, dertten 2,5 mln jýyq adam qaıtys boldy. Sonymen birge, sońǵy aptalarda ınfektsııanyń taralý qarqyny tómendep keledi: jańa oqıǵalar, aýrýhanada jatqan patsıentterdiń sany azaıýda. Olaı bolǵanymen, sarapshylar Covid-19 vırýsynyń budan da juqpaly ári vaktsına tolyq qorǵaı almaıtyn jańa shtamdarynyń qaýpi týraly eskertip jatyr.

Pfizer-BioNTech vaktsınasy kádimgi muzdatqyshta Tselsıı boıynsha 20 gradýs tómen temperatýrada eki aptaǵa deıin saqtala alady, dep málimdedi beısenbi kúni Amerıkanyń Azyq-túlik jáne dári-dármekter sapasyn qadaǵalaý basqarmasynan. Buǵan deıin bul vaktsına paıdaly qasıetin tek Tselsıı boıynsha mınýs 70 gradýs temperatatýrada saqtaıdy dep sanalǵan. Bul arnaıy kúrdeli jabdyqtardyń bolýyn qajet etip, onyń tasymaldanýy men taratylýyn qıyndatqan edi.

AQSh pen Eýropada adamdardyń kóbi Covid-19 vırýsyna qarsy osy vaktsınany saldyrtyp júr. Álemde keńinen taralǵan basqa preparattar – Oxford/AstroZeneca, Moderna, reseılik «Spýtnık V» jáne qytaılyq Sinovac.

Izraıl óz turǵyndarynyń jartysyna ekpe saldyrtty, sonyń ishinde 35 paıyzyna vaktsına ekinshi ret egildi, dep habarlady juma kúni Izraıldiń densaýlyq saqtaý mınıstri ıÝlıı Edelshteın. El halqynyń sany 9,3 mln adamdy qurap otyr.

Immýndaý sany boıynsha paıyzdyq qatynasta Izraıl álem boıynsha birinshi orynda tur. Premer-mınıstr Bınıamın Netanıahý naýryz aıynyń sońyna qaraı 16 jastan asqan barlyq ızraıldyqtarǵa ekpe jasap, sáýirdiń basynda karantın shekteýlerin birtindep alyp tastaýǵa ýáde etti.