Koronavırýs pandemııasyna baılanysty Kann festıvali jazǵa qaldyryldy
Áýelde festıval, jyldaǵydaı 11-22 mamyr aralyǵynda uıymdastyrylady dep josparlanǵan bolatyn.
«Ótken jyldyń kúzinde Kann festıvalin ótkizý merzimi álemdegi sanıtarlyq jaǵdaıǵa baılanysty ózgerýi múmkin ekendigin habarlaǵanbyz. Osylaısha, Kann onkúndigi aldyn ala josparlaǵandaǵydaı 11-22 mamyr aralyǵynda emes, 2021 jyldyń 6-17 shildesinde ótedi»,-delingen málimdemede.
2020 jyly áıgili festıvaldi ótkizý ýaqyty pandemııaǵa baılanysty ózgertildi. Alaıda, kórermender nazaryna usynylýy tıis kórsetilimderdiń bir bóligi ózge festıvalder men kınoteatrlardaǵy taqyryptyq qoıylymdar barysynda kórsetildi. 2020 jyly is-shara vırýsqa qarsy qatań sharalardy ustana otyryp, Berlın men Venetsııada uıymdastyryldy.
Bıylǵy jyly festıvaldi Berdınde uıymdastyrýshylar is-sharany ótkizý merzimi ózgergenin aıtty. Sondaı-aq konkýrstyq kórsetilimderdiń onlaın ótetini, al kórermender qatysatyn sharalardyń mamyr aıynda ótetini málim boldy.
Aıta keteıik, ótken jyly pandemııanyń sharyqtaý shegine jetken kezinde Kann festıvalin uıymdastyrýshylar ony kórermendermen birge, tipti onlaın ótkizýden de bas tartqan bolatyn.