Koronavırýs pandemııasy kezinde eńbek etken volonterler nazardan tys qalǵan joq

NUR-SULTAN. QazAqparat – Koronavırýs indeti órship turǵan kezde halyqqa qol ushyn sozǵan volonterler «Halyq alǵysy» tósbelgisimen marapattaldy. Bul týraly Ortalyq kommýnıkatsııalar qyzmetinde ótken onlaın-brıfıngte aıtyldy, dep habarlaıdy QazAqparat tilshisi.

«Koronavırýs indeti órship turǵan kezde biz adamdarǵa kómek kerek ekenin jaqsy túsindik. Sol sebepti volonterlik shtabtardy biriktirdik. Almatyda volonterlik shtabqa erikti túrde qosylǵan 50-ge jýyq volonter bar, olar qaıtarymsyz negizde kómek kórsetti. Mundaı qıyn-qystaý kezeńde memleketten kómek kútpedik, sebebi memlekettiń qamqorlyq tanytatyn salasy jetip artylady», - deıdi Qazaqstannyń eriktiler lıgasy Almaty fılıalynyń tóraǵasy Baǵdat Anarbaeva.

Onyń aıtýynsha, qala ákimdigi volonterlerdiń bastamasyna qoldaý bildirgen.

«Volonterler ózgelerge kómektesken kezde ózderine qaýip tóndirip almas úshin qorǵanys quraldary, tegin kólik jáne tamaq berildi. Eń belsendi volonterler Elbasynyń, qala basshylyǵynyń alǵys hatymen marapattaldy.sondaı-aq, «Halyq alǵysy» tósbelgisimen marapattaldy, ıaǵnı nazardan tys qalǵan joq», - deıdi ol.