Koronavırýs pandemııasy aıaqtalýǵa jaqyn – DDU

NUR-SULTAN. QazAqparat - Pandemııa taıaý bolashaqta aıaqtalýy múmkin. Bul týraly sársenbide Jenevada ótken brıfıngide Dúnıejúzilik densaýlyq saqtaý uıymynyń bas dırektory Tedros Gebreıesýs málimdedi. QazAqparat bul týraly QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetine silteme jasap habarlaıdy.

Onyń aıtýynsha, ótken aptada álemde COVID-19 saldarynan ólim-jitim 2020 jyldyń naýryzynan bergi kórsetkishten mınımýmǵa deıin azaıdy.

Spıker pandemııamen kúresti marafonmen salystyrdy: «Biz máre syzyǵyn kórip otyrmyz. Jeńiske jaqynbyz. Biraq qazirgi qatelik júgirýdi toqtatý bolar edi».

Tedros Gebreıesýs barlyq eldi qaýipti toptaǵy azamattardyń, sonyń ishinde medıtsına qyzmetkerleri men qarttardy tolyǵymen vaktsınalaýǵa shaqyrdy. Onyń aıtýynsha, bul árbir memlekettegi halyqtyń keminde 70% vaktsınalaýǵa qatysty DDU alǵa qoıǵan maqsatqa jetýdegi basym mindet.

DDU málimeti boıynsha, ótken aptada álemde 3,1 mıllıonnan astam adam COVID-19 juqtyrdy, shamamen 11 myń adam qaıtys boldy. Infektsııa juqtyrý jaǵdaılarynyń sany aldyńǵy jeti kúnmen salystyrǵanda 28%, al ólim-jitim 22% azaıdy.