Koronavırýs pandemııasy álemdik tártipti ózgertedi - The Wall Street Journal

NUR-SULTAN. QazAqparat - COVID-19 pandemııasy aıaqtalǵannan keıin kóptegen memleketterdiń ınstıtýttary sátsizdikke ushyraǵanyn moıyndaıdy. Bul túcinik qanshalyqty obektıvti ekeni mańyzdy emes. Koronavırýc pandemııasynan keıin búkil álem endi burynǵydaı bolmaıdy, dep jazady AQSh-tyń burynǵy memlekettik hatshysy Genrı Kıssındjer The Wall Street Journal gazetinde jarııalanǵan maqalasynda.

«Koronavırýs óte aýyr soqqy boldy. AQSh-ta ár bes kún saıyn jaǵdaı eki eselenip jatyr. Koronavırýstyń emi joq. Medıtsınalyq qor az, al tıimdi vaktsına tek 12-18 aıdan keıin paıda bolýy múmkin. AQSh ákimshiligi vırýstyń taralýyn toqtata ala ma degen suraq týyndaıdy. Daǵdarys jaǵdaıy qandaı masshtabta bolsa da, koronavırýstan keıingi tártiptiń qandaı bolatynyna qatar daıyndyqty keıinge qaldyrýǵa bolmaıdy», - deıdi ol.

Kıssındjerdiń aıtýynsha, koronavırýs pandemııasynyń saıası jáne ekonomıkalyq saldary birneshe urpaqqa taraýy múmkin.

Sonymen qatar, eshbir memleket vırýsty ulttyq kúshpen jeńip shyǵa almaıdy.

«Koronavırýsqa qatysty sheshim jahandyq sıpatta bolýy tıis. ıAǵnı, ortaq jahandyq baǵdarlama nemese jospar qajet. Qazir biz qıyn kezeńde turmyz. Al qazirgi kóshbasshylardyń tarıhı mindeti – daǵdarystan qutylý, sonymen qatar bolashaqqa negiz qalaý. Bul eki jaǵdaı qoldan kelmese, álem qıyndyqtan shyǵa almaı qalady», - dep jazady Kıssındjer.