Koronavırýs: Ózbekstanda vaktsınalaý naýryzda bastalmaq

TAShKENT. QazAqparat – Ózbekstanda koronavırýsqa qarsy vaktsınalaý naýryzda bastalady. Bul týraly Koronavırýspen kúres jónindegi arnaıy respýblıkalyq komıssııanyń otyrysynda qabyldandy, dep habarlaıdy QazAqparattyń menshikti tilshisi.

Ózbekstannyń sanıtarly-epıdemıologııalyq salaýattylyq jáne qoǵamdyq densaýlyq qyzmetiniń aqparaty boıynsha, vaktsınalaý jumystary naýryzdyń alǵashqy jartysyna bastalýy yqtımal. Bul maqsatta Tashkent pen ózge óńirlerdegi emdeý-profılaktıka mekemelerinde 3138 kabınet qarastyrylǵan.

Vaktsına birinshi kezekte qaýipti toptarǵa jatatyn 65-ten asqan egde jastaǵy adamdarǵa, sozylmaly aýrýǵa shaldyqqandarǵa, halyqpen tyǵyz qarym-qatynasta bolatyn medıtsına, mektepke deıingi, orta jáne joǵary oqý mekemeleri jáne quqyq qorǵaý organdary qyzmetkerlerine salynady. Olardan keıin halyqtyń basym bóligin vaktsınalaý kózdelinip otyr. Vaktsına salý erikti negizde júrgiziledi.

Ózbekstannyń sanıtarly-epıdemıologııalyq salaýattylyq jáne qoǵamdyq densaýlyq qyzmeti 12 iri vaktsına óndirýshilerimen satyp alý jóninde kólissózder júrgizýde. Sonymen qatar Ózbekstanda qytaılyq Anhui Zhifei Longcom Biopharmaceutical kompanııasynyń vaktsınasy synalyp jatyr. Onyń klınıkalyq synamalary sátti aıaqtalǵan jaǵdaıda, satyp alý alynbaq

Esterińizge sala keteıik, 10 aqpan kúni Ózbekstan Prezıdenti eldiń Densaýlyq saqtaý mınıstri men sanıtarly-epıdemıologııalyq salaýattylyq jáne qoǵamdyq densaýlyq qyzmetiniń basshysyna koronavırýsqa qarsy vaktsına salý jumystaryn jedeldetýdi tapsyrǵan.

Sonymen qatar «Spýtnık V» reseılik vaktsınasynyń sertıfıkattaý protsesi júrgizilýde.