Koronavırýs óńirlerde órship tur: Ákimder ahýaldy qalaı turaqtandyrmaq
Mundaı jaıttyń oryn alýyna buǵan deıingi merekelik kúnderi halyqtyń erkinsip, júris-turysty kóbeıtip jibergeni sep bolyp turǵany da belgili. Osyǵan oraı búgin Premer-Mınıstr Asqar Mamınniń tóraǵalyǵymen ótken Úkimet otyrysynda atalǵan «qyzyl» aımaqqa kirgen 5 óńirdiń ákimderi ózderi basshylyq jasaıtyn oblystaǵy epıdemıologııalyq jaǵdaı jáne koronavırýstyń aldyn alý úshin qolǵa alǵan sharalar jaıynda esep berdi.
Aldymen sóz tizgini tıgen eldorda ákimi Altaı Kólginovtiń aıtýynsha, 16 qańtardan «qyzyl» aımaqqa kirgen qaladaǵy koronavırýs ındektsııasynyń reprodýktıvtilik ındeksi 1.279-dy qurap otyr. Osyǵan oraı ınfektsııalyq statsıonarlarda 720 oryn ázirlendi. 121 reanımatsııalyq tósek-oryn daıyndaldy. Zerthanalar sany 23-ke deıin kóteıtildi. Olardyń jalpy qýattylyǵy táýligine 12 myńnan astam zertteý júrgizýge múmkindik beredi. Buǵan qosa, kópbeıindi aýrýhanalardyń qabyldaý bólimderine, statsıonarlardyń akýsherlik bloktarynda nátıjesi 1,5-2 saǵattyń ishinde daıyn bolatyn ızotermııalyq shaǵyn zerhanalar ashyldy. Testileý sany da edáýir artyrylyp, 99 myńǵa deıin artty. Ambýlatorııalyq-zerthanalyq qyzmet jumysy kúsheıtildi. Patsıentterdiń shaqyrtýlaryna qyzmet kórsetý úshin 5 myń halyqqa 1 brıgada esebimen mobıldi brıgadalardyń jumysy uıymdastyryldy. Qala boıynsha 207 mobıldik brıgada jumys isteýde. Quqyq qorǵaý organdarymen shekteý sharalaryn saqtaý boıynsha monıtorıng jalǵasyp jatyp. Qala aýmaǵynda 9 mobıldi top quryldy. Atalǵan toptar osy ýaqytqa deıin 9 myńnan astam nysandy monıtorıngpen qamtydy. Karantın rejımin júıeli túrde buzýshylarmen jumys kúsheıtildi. Ákimshilik jaýapkerilikke 1,5 myńǵa jýyq jeke jáne zańdy tulǵalar tartylyp, jalpy somasy 300 mln teńge aıyppul salyndy.
«Statsıonarlar medıtsınalyq quraldarmen jáne qajetti dári-dármekpen tolyqtaı qamtylǵan. Qaladaǵy epıdemıologııalq jaǵdaıdy eskere otyryp, birqatar shekteý men karantındik sharalar qabyldandy. Olar dúısenbiden bastap kúshine endi», - dedi Nur-Sultan qalasynyń ákimi.
«Qyzyl» aımaqta turǵan Pavlodar oblysynyń ákimi Ábilqaıyr Sqaqov ótken aptada óńirde koronavırýs ınfektsııanyń 616 jaǵdaıy tirkelgenin, aýrýdyń ósýi 5,8 paıyzdy qurap otyrǵanyn aıtady.
«Ótken táýlikte 150 jaǵdaı tirkeldi. Baılanysta bolǵan 366 adam anyqtaldy. Epıdemıologııalyq zertteýler júrgizilip, jańa oshaqtar oqshaýlandy. Óńirdiń densaýlyq júıesi shtattyq rejımde jumys isteıdi. Infektsııalyq tósek-oryn júktemesi - 37,7 paıyz. Qazir 1 635 tósek-oryn, al rezervte taǵy da 2 myńnan astam oryn bar. Búginde reanımatsııada 21 naýqas jatyr. Olardyń úsheýiniń jaǵdaıy aýyr. Oblys boıynsha 169 mobıldi brıgada jumys isteıdi. Táýligine 2,5 myńnan astam PTR testileý júrgiziledi. Jaǵdaı baqylaýda», - dedi ol.
Oblys basshysynyń aıtýynsha, óńirdiń «qyzyl» aımaqqa kirýine baılanysty birqatar shekteý sharasy kúsheıtildi. Demalys kúni lokdaýn engizildi. Demalys kúnderi azyq-túlik jáne azyq-túlik emes jabyq bazarlardyń, saýda oıyn-saýyq ortalyqtarynyń, SPA, saýna, sport nysandarynyń jáne sport keshenderiniń, fıtnes ortalyqtarynyń qyzmeti, qoǵamdyq kólik qozǵalysy toqtatyldy. Qalaaralyq, aýdanaaralyq avtobýs, shaǵyn avtobýspen jolaýshylardy tasymaldaý shekteldi. Adamdar kóp jınalatyn oryndarǵa erekshe nazar aýdara otyryp, kúsheıtilgen rejımde 176 monıtorıngilik top jumys isteıdi.
Aqmola oblysynyń ákimi Ermek Marjyqpaev óńirdegi epıdemıologııalyq jaǵdaıdy turaqtandyrýǵa baǵyttalǵan jumys júrgizilip jatqanyn aıtyp sendiredi. Onyń dereginshe, sońǵy aptada jalpy aýrýdyń ortasha ósimi 0,8 paıyzdy qurady. Sońǵy táýlikterde - 1,2 paıyz nemese 99 jaǵdaı. 526 adam statsonarda em alyp jatyr. Onyń ishinde 41 adamnyń jaǵdaıy aýyr. Aýrýdyń artýyna jol bermeý jáne karantın sharalaryn kúsheıtý úshin barlyq qajetti shara qoldanylýda. Máselen, azyq-túlik emes dúkenderdiń, saýda oıyn-saýyq ortalyqtardyń jumys tártibi 30 paıyz tolýyna qaraı tańerteńgi saǵat 10-nan 22-00-ge deıin, úı-jaılardaǵy qoǵamdyq tamaqtaný nysandarynyń qyzmeti saǵat 09-00-den 20-00-ge deıin shekteldi.
«Búgingi tańda Ulttyq saraptama ortalyǵynyń biryńǵaı portalymen yqpaldastyrylǵan 3 zerthana jumys isteıdi. Táýligine 1 700-den 2 myńǵa deıin test ótkiziledi. Qajettiligine qaraı zerthanalardyń rezervtik qýaty táýligine 7 myńǵa deıin test ótkizýge múmkindik beredi», - dedi óńir basshysy.
Al Qostanaı oblysynyń ákimi Arhımed Muhambetovtińsózine qaraǵanda, 18 qańtarynan bastap syrqattanýshylyqtyń ósýine baılanysty karantın talaptary 2 apta merzimge qatańdatyldy. Oblystyń bas sanıtar dárigeriniń qaýlysyna sáıkes, dinı nysandardyń qyzmeti ýaqytsha toqtatyldy. Qoǵamdyq tamaqtandyrý nysandary jáne Halyqqa qyzmet kórsetý ortalyqtarynyń jumysy ýaqyty boıynsha shekteldi. Senbi jáne jeksendi kúnderi aýdany 2 myńnan asatyn azyq-túlik emes saýda nysandary men jabyq azyq-túlik jáne azyq-túlik emes bazarlardyń, SPA ortalyqtardyń, sport nysandarynyń qyzmeti, sonymen qatar qoǵamdyq kólik qozǵalysy ýaqytsha toqtatyldy. Karantın talaptarynyń saqtalýyn baqylaý maqsatynda mobıldik toptar jyl basynan beri 942 reıd júrgizdi. 2 823 nysan tekserildi. 26 zań buzýshylyq anyqtaldy. Atalǵan faktiler boıynsha 29 mln 200 myń teńgege 26 ákimshilik aıyppul salyndy. Dárilik zattarmen qamtamasyz etý maqsatynda turaqtandyrý qory 538 mln teńgege ulǵaıtyldy.
«Qazirgi ýaqytta koronavırýsqa qarsy jappaı vaktsınalaýǵa daıyndyq júrip jatyr. 71 birlik medıtsınalyq maqsattaǵy muzdatqysh, kameralar satyp alý boıynsha konkýrstyq rásimder aıaqtaldy. Birinshi toptamany jetkizý osy jylydń 10 aqpanynan bastalady», - degen Arhımed Muhambetov oblysta dári-dármektiń 2 aıǵa jetetin qory bar ekendigin basa aıtty.
«Jalpy, Atyraý qalasy men aýdandarda epıdemıologııalyq jaǵdaı turaqty. Oblys boıynsha sońǵy aptada koronavırýs ınfektsııasynyń 564 jaǵdaıy tirkeldi. Onyń ishinde 379 jaǵdaı nemese 67 paıyzy Teńiz ken ornyndaǵy vahtalyq qalashyqtarda anyqtaldy. Oblysta anyqtalǵan jaǵdaılardyń 81 paıyzy, sonymen qatar Teńiz ken ornynda anyqtalǵan jaǵdaılardyń 89 pıyzy sımptomsyz sanalady. Reprodýktıvtik ındeksi 1,01 paıyzdy quraıdy. Oblystyń bas sanıtar dárigeriniń qaýlysymen Teńiz ken ornyndaǵy karantın uzartyldy jáne shekteý sharalary kúsheıtildi», - dedi kelesi kezekte sóz alǵan Atyraý oblysynyń ákimi Mahambet Dosmuhambetov
Onyń aıtýynsha, oblysta 1933 ınfektsııalyq tósek-oryn ázirlengen. Statsıonarlarda 864 naýqas em alyp jatyr. Tósek-oryn júktemesi 45 paıyzdy quraıdy. 13 naýqas reanımatsııada. Oblysta 4 MRT apparaty, 12 kompıýterlik tomografııa apparaty, 27 rentgen apparaty, 669 ottegi kontsentraty, 1 514 pýlsmetr, 267 ókpeni jasandy jeldetý apparaty, 6 ottegi stansasy, 113 jedel medıtsınalyq járdem kóligi, 7 jyljylmaly medıtsınalyq keshen bar. KVI pnevmanııasy jáne JRVI-men syrqattanǵan oblys turǵyndaryna ambýlatorlyq deńgeıdegi kómekti medıtsınalyq-sanıtarlyq alǵashqy kómek uıymdarynyń janynan qurylǵan 126 mobıldi top kórsetip otyr. Barlyq medıtsınalyq uıymdarda jeke qorǵanysh quraldarynyń 2 aılyq qory bar. Oblysta táýligine 7 myńǵa jýyq zertteý múmkindigi bar 11 PTR zerthanasy jumys istep tur.
Úkimet otyrysy barysynda Atyraý oblysy ákiminiń koronavırýsqa qatysty óńirlerdegi jaǵdaı turaqty degen pikirine QR Premer-Mınıstrdiń orynbasary Eraly Toǵjanov narazylyǵyn bildirdi.
«Koronavırýs ınfektsııasy taralýynyń ósýi búginde barlyq óńirde tirkelip otyr. Sonyqtan, jańa Atyraý oblysynyń ákimi aıtqandaı, óńirlerdegi jaǵdaı turaqty degen sózge kelisýge bolmaıdy. Ásirese, bul Pavlodar, Aqmola, Qostanaı, Soltústik Qazaqstan oblystaryna tikeleı baılanysty», - dedi ol.
Sol sebepti Úkimet basshysynyń orynbasary óńirlerdegi epıedmıologııalyq jaǵdaıǵa qaraı karantındik shekteý sharalaryn kúsheıtý qajet dep sanaıtyndyǵyn basa aıtty.
«Birinshiden, «qyzyl» aımaqqa kirgen óńirler ákimderine Densaýlyq saqtaý mınıstrligimen birge qosymsha karantındik sharalardy qatańdatýdy, ekinshiden, «sary» aımaqtaǵy óńirler epıdemıologııalyq jaǵdaıdy eskere otyryp, karantındik shekteýlerdi úsheıtý boıynsha naqty usynystar engizýdi jáne oǵan daıyqty pysyqtaýdy, úshinshiden, barlyq óńirler ınfektsııany juqtyrǵan jáne olarmen baılanysta bolǵan adamdardy oqshaýlaý sharalardyń tıimdilin arttyrýdy qolǵa alýy kerek», - dedi Eraly Toǵjanov.
Otyrysty qorytyndylaǵan Premer-Mınıstr Asqar Mamın oblys ákimderiniń nazaryn epıdemıologııalyq jaǵdaıdy eskerip, óńirlerdegi jaǵdaıdy turaqtandyrý úshin shuǵyl sharalar qabyldaý qajettigine aýdardy. Epıdemıologııalyq jaǵdaı nasharlaıtyn bolsa, shekteý sharalaryn qabyldaýdy, halyq pen bıznes sýbektileriniń belgilengen sanıtarııalyq normalaryn qatań saqtaýyn qamtamasyz etýdi, bir apta merzimde ınfektsııalyq aýrýhanalar men bastapqy medıtsınalyq-sanıtarııalyq kómek uıymdaryndaǵy jeke qorǵanysh quraldary men koronavırýsqa qarsy dárilerdiń qoryna revızııa júrgizýdy tapsyrdy.