Koronavırýs: Naýryz qalaı toılanady

NUR-SULTAN. QazAqparat – Naýryzdaǵy merekelik kúnderde buqaralyq is-sharalar ótkizilmeıdi. Bul týraly QR Densaýlyq saqtaý vıtse-mınıstri Ajar Ǵınııat málim etti, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda naýryz aıyndaǵy merekelik kúnderde koronavırýsqa baılanysty qatań sharalar qabyldaý múmkindigi týraly suraldy. Osy oraıda qalaaralyq nemese memleketaralyq áýe reısterdi shekteý engizý múmkindigi jaıynda saýal qoıyldy.

«Bul jaǵdaı árbir óńirdegi epıdemıologııalyq ahýalǵa baılanysty bolady. Sondyqtan ár óńirdiń bas sanıtar dárigeri jergilikti jerdegi aýrýdyń taralýyna qatysty kórsetkishterdi nazarǵa alyp, ózderiniń qaýlysyn qabyldaıdy. Barlyǵy qalypty bolsa, qazirgi tártipte jumystar jalǵasady. Biraq buqaralyq is-sharalar ótkizilmeıdi. Árkim naýryzdy óz otbasynda toılaýy kerek», - dedi Ajar Ǵınııat.

Budan buryn habarlanǵandaı , vıtse-mınıstr Qazaqstanda qashannan bastap medıtsınalyq maskasyz júrýge bolatynyn aıtty