Koronavırýs naýqastarynyń rekordty sany tirkeldi: Baıqońyrda karantın uzartyldy
18:32, 29 Qańtar 2022
BAIQOŃYR. QazAqparat – Sońǵy on kún ishinde Baıqońyrda koronavırýsqa shaldyǵýdyń 400-ge jýyq jańa oqıǵasy tirkeldi. Bul – pandemııa bastalǵaly absolıýtti antırekord, dep habarlaıdy QazAqparat tilshisi.
Reseı Federaldy medıko-bıologııalyq agenttigi «Baıqońyr» kesheni Óńirlik basqarmasynyń aqparatynsha, 2022 jyldyń 28 qańtarynda qaýipti vırýsqa shaldyqqan 3566 adam tirkelgen. Іndetti juqtyrǵandar sany artyp keledi, COVID-19 emdeıtin ınfektsııalyq statsıonarda 36 adam jatyr, vırýstan 146 adam qaıtys bolǵan.
2022 jylǵy 19 qańtardaǵy málimettermen salystyrǵanda, ósim 384 oqıǵany quraǵan, statsıonarda jatqandar sany artty, koronavırýstan qaıtys bolýdyń eki oqıǵasy tirkeldi.
Baıqońyr aýmaǵynda 2022 jyldyń 30 qańtaryna deıin belgilengen karantın qala ákimshiligi basshysynyń qaýlysymen 14 aqpanǵa deıin uzartyldy.