Koronavırýs mýtatsııasyn baǵalaýda qıyndyqtar bar - DDU

NUR-SULTAN. QazAqparat – DDU testileýdiń qysqarýyna baılanysty koronavırýs mýtatsııasyn baǵalaýda qıyndyqtar týyndaǵanyn málimdedi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.

«Sońǵy aptada COVID-19 oqıǵalarynyń sany DDU-nyń alty aımaǵynyń tórteýinde kúrt ósti», - deıdi Dúnıejúzilik densaýlyq saqtaý uıymynyń bas dırektory Tedros Adhanom Gebreııýs.

Osy oraıda, koronavırýstyń mýtatsııalanýyn baǵalaýdaǵy qıyndyq týraly aıtty.

«Testileý men júıeliliktiń tómendeýine baılanysty kóptegen elderde vırýstyń qaıda jáne qalaı ózgeretinin anyqtaý qıynǵa soǵady», - dedi ol.

VAK taratqan málimetke sáıkes, ol KHDR men Erıtreıa memleketinde vaktsınatsııa naýqany bastalmaǵanyna alańdaýshylyq bildirgen.

Aıta ketsek, Malaızııada bir táýlikte 1469 adam koronavırýstyń jańa túrin juqtyrdy.

Al, Izraıl elge kirer aldynda PTR tapsyrý talabyn alyp tastady.