Koronavırýs: Muryn arqyly qabyldaýǵa arnalǵan álemdegi alǵashqy vaktsına tirkeldi

NUR-SULTAN. QazAqparat – Reseı muryn arqyly qabyldaýǵa arnalǵan koronavırýsqa qarsy alǵashqy vaktsınany tirkedi. Bul týraly Qazaqstanda SOVID-19 taralýyna jol bermeý jónindegi vedomstvoaralyq komıssııanyń Telegram-kanalynda málim etildi, dep habarlaıdy QazAqparat.

Reseıde muryn arqyly qabyldaýǵa arnalǵan koronavırýsqa qarsy vaktsına tirkeldi. Álemde mundaı preparat buǵan deıin bolmaǵan. Murynǵa arnalǵan vaktsına eki dozadan turady jáne úsh apta aralyqpen engiziledi. Qazirgi kezeńde vaktsınany 18 jáne odan joǵary jastaǵy adamdarǵa vaktsınoprofılaktıkany júzege asyratyn medıtsınalyq uıymdar jaǵdaıynda qoldanýǵa ruqsat etiledi.

1 sáýirden bastap Berlınde barlyq derlik shekteýler joıyldy. Kelesi jeksenbide karantındik talaptar Germanııanyń basqa federaldy jerleriniń basym kópshiliginde alynady. Óıtkeni qazir Germanııada koronavırýstyń asa qaýipti emes «omıkron» nusqasy taralýda. Ekinshiden, Germanııa turǵyndarynyń 76 paıyzy qazirdiń ózinde tolyǵymen vaktsınalanǵan, sondyqtan ınfektsııa bolǵan jaǵdaıda da aýrý ońaı ótedi. Úshinshiden, 20 naýryzda eldiń burynǵy redaktsııadaǵy «adamnyń juqpaly aýrýlarynyń aldyn alý jáne oǵan qarsy kúres týraly» Zańynyń merzimi aıaqtaldy. Bul zań el bıligine maska taǵýdy talap etýge, vaktsınatsııa sertıfıkattaryn engizýge jáne basqa da shekteýlerdi qoldanýǵa múmkindik bergen edi.