Koronavırýs: Marokkoda dzıýdodan álemdik Gran-prı ótpeıtin boldy
10:12, 04 Naýryz 2020
NUR-SULTAN. QazAqparat – Marokko astanasy Rabatta dzıýdodan álemdik Gran-prı kezeńi ótpeıtin boldy, dep habarlaıdy QazAqparat.
QR Ulttyq Olımpıadalyq komıteti Halyqaralyq dzıýdo federatsııasyna silteme jasap habarlaýynsha, Marokko úkimeti koronavırýs epıdemııasynyń taralýynyń aldyn alý maqsatynda barlyq qoǵamdyq is-sharalar men sporttyq sharalardyń ótkizilýin ýaqytsha toqtatty. Sonyń ishinde 6-8 naýryz kúnderi ótýi tıis bolǵan d zıýdodan álemdik Gran-prı kezeńi bar. Atalǵan týrnırge qatysý úshin álemniń 94 elinen 561 dzıýdoshy tirkelgen bolatyn.
Baıraqty dodaǵa Qazaqstan quramasynan 15 sportshy barýy tıis edi.
Aıta keteıik, keshe Marokkonyń Densaýlyq saqtaý mınıstrligi el aýmaǵynda koronavırýsty (COVID-19) juqtyrýdyń alǵashqy jaǵdaıy tárkelgenin málim etken bolatyn.