Koronavırýs: Mańǵystaý statsıonarlaryndaǵy naýqas sany 67 paıyzǵa jetti
«Mańǵystaý oblysy boıynsha jaǵdaı kúrdeli bolyp otyr. Búginde PTR synamasy oń nátıje kórsetken 208 naýqas tirkeldi. Úı jaǵdaıynda 1 500 naýqas emdelip jatyr. 751 statsıonarlyq tósek oryn barlyq eldi mekende ashyldy. Qala men aýdandarda ınfektsııalyq statsıonarlar bar. Olar qazir 67 paıyzǵa tolyq bolyp otyr. Osyǵan baılanysty Aqtaý qalasyndaǵy burynǵy qalalyq perzenthana ǵımaratynda taǵy 150 tósek ornyn jasaqtaýdy josparlap otyrmyz. Oǵan qajetti jumystar júrgizilip jatyr», - dedi ol.
L.Esenǵalıevanyń aıtýynsha, Jańaózen qalasyna naýqastarǵa járdemdesý boıynsha ádistemelik kómek kórsetýge oblystyq aýrýhananyń dárigerleri jol tartqan.
«Bul - jańadan kelgen indet. Ony emdeýdiń tásili qalǵandaryna qaraǵanda múldem basqa. Sol sebepti jumysty uıymdastyrýǵa da kóp jaǵdaı baılanysty bolady. Aýrýhananyń ishindegi jumysqa naýqastardyń tezirek jazylyp ketýi táýeldi. Dárigerler sol jaqta 2 kún boıy jumys istep jatyr», - dedi ol.
Lázzat Esenǵalıeva oblysta modýldik statsıonar qarasha aıynan bastap jumys isteıtinin aıtty.
«Qazir modýldik statsıonarda oryn joq. Oǵan qosymsha retinde 100 orynǵa shaqtalǵan týbdıspanser ǵımaratyn ashtyq. Qazir onda da naýqastar jatyr. Munaıly aýdanynda da provızorlyq statsıonar ashyldy. Aqtaý men Munaıly arasynda araqashyqtyq bolsa da, halyqqa kómek kórsetý qoljetimdi bolsyn dep 20 tósek-oryn jasaqtadyq», - dedi densaýlyq saqtaý basqarmasy basshysynyń mindetin atqarýshy.
Onyń aıtýynsha, eń birinshi maqsat – ólim-jitim sanyn azaıtý.
«Sondyqtan da ambýlatorııalyqtan statsıonarǵa deıingi medıtsınalyq kómek qatań baqylaýda tur. Dári-dármek máselesi boıynsha byltyrǵyǵa qaraǵanda jaǵdaı áldeqaıda jaqsardy. Sebebi bir jyl osy indetpen kúresip jatyrmyz. Ótken jylǵy tamyzdan bastap dári-dármek máselesi josparly túrde júzege asyrylyp jatyr. Qazir medıtsına mekemelerinde 2 aılyq qor bar. Qajetti dári-dármektiń tizimi jasalyp, ony jetkizý boıynsha jumystar turǵylyqty túrde júzege asyrylyp turady», - dedi ol.
Lázzat Esenǵalıeva jedel járdem stantsııasynyń avtoparkteri byltyr jańartylǵanyn aıtty.
«Árıne, naýryz-maýsym aıymen salystyrǵanda qazir shaqyrtý sany eki esege artty. Kúnine myńǵa jýyq shaqyrtý túsip jatyr. Turǵyndar densaýlyǵyna alańdaǵan jaǵdaıda jedel járdemge habarlasady, brıgada baryp, olardyń densaýlyǵyna qatysty keńes beredi, - dedi ol.
Mamannyń aıtýynsha, resmı statıstıkaǵa áser etetini - indet juqtyrǵan azamattardyń memlekettik júıede joq dárigerlerge qaralýy.
Koronavırýs – jańa indet. Ony emdeýdiń spetsıfıkasy bólek. Dárigerler naýqastardy emdeý boıynsha arnaıy oqytýlar men taǵylymdamalardan ótti. Onyń nátıjesinde attestatsııalandy. Sondyqtan azamattardy sanaly bolýǵa shaqyryp, memlekettik júıede bar dárigerlerge qaralýǵa shaqyramyz», - dedi Lázzat Esenǵalıeva.
Aıta keteıik, elimizde táýligine ekpe alǵandar sany boıynsha Almaty qalasy, Shyǵys Qazaqstan jáne Túrkistan oblystary kósh bastap tur. Ótken táýlikte Mańǵystaý oblysynda birinshi komponentti 2 125 adam ekti.
Densaýlyq saqtaý mınıstri Alekseı Tsoı aıtqandaı, vaktsınanyń eki dozasyn alǵan adam ǵana tolyq vaktsınatsııalanǵan bolyp esepteledi. Ekinshi komponentti 2,6 mln adam alǵan. Bul Qazaqstan halqynyń shamamen 15%-yn quraıdy.