Koronavırýs Qudaıdyń jerge jibergen jazasy ma – reseılik ımam jaýaby

NUR-SULTAN. QazAqparat – Telejúrgizýshi Dınara Satjanmen ótkizgen Instagram-daǵy tikeleı efır kezinde Reseıdegi Máskeý memorıaldyq meshitiniń ımamy Shamıl Alıaýtdınov koronavırýsty Qudaıdyń jazasy dep júrgenderge jaýap berdi, dep habarlaıdy QazAqparat tilshisi.

«Keıbir vaktsınaǵa qarsy adamdar koronavırýsty Qudaıdyń jazasy dep sıpattap júr. ıAǵnı, oǵan qarsy turýǵa bolmaıdy. Bul týraly ne aıtasyz», - dep surady Dınara Sátjan.

«Quranda jáne hadısterde «ózińizdi óz qolyńyzben ólimge tastamańyz» delingen. ıAǵnı, qandaı da bir qaýipten saqtana bilý kerek. Hadısterde: «emdelińiz» delingen. Biz emdelýge, zııandy dúnıege qarsy turýǵa mindettimiz. Qandaı jaǵdaı bolmasyn, Quran men hadıste adamǵa áreket tán, biraq ol áreket qıratatyn bolmaýy kerek. Quranda anyq aıtylǵan: «Igi iste bir-birlerińe kómektesińder, biraq kúná men qastyqta emes», - deıdi. Bizdiń qazir basymyzdan ótkerip jatqan jaǵdaı jaza emes, synaq», - dedi reseılik ımam.

Onyń aıtýynsha, Jaratýshy ómir men ólimdi adamdardyń qaısysy jaqsylyqqa beıim ekenin synaý úshin jaratqan.

«ıAǵnı, biz áreket etýimiz kerek. Tipti janýardyń ózi qaýip tónse, shamasy kelgenshe jaýap beredi. Al biz jasampazdyqpen áreket etýimiz kerek. Durys túsindirý kerek. Islam boıynsha hadısterde aldaǵy kún týraly jaman belgiler joq dep naqty aıtylǵan», - dedi Shamıl Alıaýtdınov.