Koronavırýs: QR Bas memlekettik sanıtarlyq dáriger birqatar shekteý sharalaryn qysqartty

NUR-SULTAN. QazAqparat - Eldegi epıdemıologııalyq jaǵdaıdyń turaqtanýyn eskere otyryp, Qazaqstan Respýblıkasynyń Bas memlekettik sanıtarııalyq dáriger ALYP TASTAÝ týraly birneshe qaýlylar qabyldady.

Bul týraly QazAqparat Sanıtarııalyq-epıdemıologııalyq baqylaý komıtetiniń baspasóz qyzmetine silteme jasap habarlaıdy.

Birinshi. Epıdemıologııalyq táýekeldiń «sary» jáne «jasyl» aımaqtarynda ornalasqan óńirlerdegi barlyq obektilerde:

«Ashyq» mobıldi qosymshasyn mindetti túrde qoldaný;

áleýmettik qashyqtyqty saqtaýǵa qoıylatyn talaptar;

mindetti termometrııa.

Ekinshi. Epıdemıologııalyq qaýip-qaterdiń barlyq aımaqtarynda ashyq aýada maskalardy mindetti túrde kııý.

Úshinshi. COVID-19-ǵa qarsy vaktsına almaǵan qyzmetkerler úshin kúndizgi rejımdegi jumysqa ruqsat berýdi shekteý (qyzmet kórsetý salasynyń obektileri).

Tórtinshi. Vahtalyq ádispen jumys jasaıtyn uıymdardyń qyzmetkerleri úshin vahtaǵa kirý jáne shyǵý kezinde PTR ádisimen mindetti zerthanalyq testileý.

Besinshi. COVID-19-ben aýyryp saýyqqan adamdarda jasyl mártebeniń qoldanylý merzimi 6 aıǵa deıin uzartyldy.