Koronavırýs kóp taralyp jatqan óńirler belgili boldy
14:08, 15 Shilde 2022
NUR-SULTAN. QazAqparat – Koronavırýs elimizdiń iri qalalarynda kóp taralyp jatyr. Bul týraly Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.
«Іndettiń eń kóp taralýy elimizdiń eń iri megapolısterinde, ıaǵnı Almaty, Nur-Sultan jáne Shymkent qalalarynda baıqalyp otyr», - dedi A. Ǵınııat Ortalyq kommýnıkatsııalar qyzmetinde.
Onyń aıtýynsha, sońǵy aptada aýyrǵan adamdardyń 70 paıyzy Almaty (1107 jaǵdaı nemese 43,2%-y) jáne Nur-Sultan (576 jaǵdaı nemese 22,5%-y) qalalarynda tirkeldi.
«Іndettiń taralýy jaǵdaılarynyń ósýine qaramastan, naýqastardy aýrýhanaǵa jatqyzý deńgeıi tómen», - dedi mınıstr.
Bıylǵy 15 shildedegi jaǵdaı boıynsha respýblıkada statsıonarlyq kómek 139 juqpaly aýrýlar aýrýhanasynda kórsetilip jatyr. Olarda naýqastardy qamtý úshin 3282 oryn jasaqtalǵan. Qazirgi kezde osy aýrýhanalarda 570 naýqas emdeýge jatqyzyldy.