Koronavırýs: Qazaqstanda balalardy vaktsınalaý jasyn tómendetý jaıy talqylanyp jatyr

NUR-SULTAN. QazAqparat – Qazaqstanda balalardy koronavırýstan vaktsınalaý jasyn tómendetý máselesi qaralyp jatyr. Bul týraly QR Densaýlyq saqtaý mınıstrliginiń shtattan tys bas ınfektsıonısi Dınagúl Baesheva aıtty, dep habarlaıdy QazAqparat tilshisi.

«Balalardy koronavırýs ınfektsııasyna qarsy vaktsınalaý jasyn jeti jasqa deıin tómendetý qaralyp jatyr ma?», - dep surady jýrnalıster Ortalyq kommýnıkatsııalar qyzmetinde ótken baspasóz máslıhatynda.

Dınagúl Baesheva Qazaqstandaǵy koronavırýsqa qarsy vaktsınalar 12 jáne odan joǵary jastaǵylarǵa arnalǵanyn eske saldy.

«Bizdiń konsýltatıvtik komıtet balalardy vaktsınalaý jasyn tómendetýdi qarastyryp jatyr. Ózderińiz bilesizder, bizdiń klınıkalyq hattamalarymyz ben jańalyqtarymyz únemi dáleldik qorǵa, halyqaralyq usynymdarǵa súıenedi. Alǵashqy usynymdar shyqqan soń, bul máseleni birden qarastyramyz. Ázirge biz osy qujattarmen tanysyp jatyrmyz», - dedi Dınagúl Baesheva.

Aıta keteıik, Qazaqstanda KVI-ge qarsy vaktsınalaý men revaktsınalaý úshin úsh túrli vaktsına qoljetimdi, olar – QazVac, Sinofarm ı Pfizer.