Koronavırýs: Qazaqstanda 769 sheteldik dıplomat vaktsına saldyrady

NUR-SULTAN. QazAqparat – Qazaqstanda 769 sheteldik dıplomat koronavırýsqa qarsy vaktsına saldyrýǵa nıet bildirgen, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, Memleket basshysynyń tapsyrmasy boıynsha Syrtqy ister mınıstrligi Densaýlyq saqtaý mınıstrligimen birlesip, elde akkredıttelgen dıplomatııalyq korpýstyń qyzmetkerlerin jáne olardyń otbasy múshelerin vaktsınatsııalaýdy qamtamasyz etedi.

Bul jumys Qazaqstan turǵyndarynyń koronavırýstyń odan ári taralýyna qarsy qorǵalý deńgeıin arttyrý úshin júrgizilýde.

Vaktsınalaýǵa nıet bildirgen 769 sheteldik dıplomattardyń ishinde eń kóbi Nur-Sultanda 496 adam, Almatyda 236 adam, Aqtaýda 27 adam jáne Óskemende 10 adam turady. Olardy vaktsınalaý qalalyq medıtsınalyq ortalyqtarda aqysyz jáne Qazaqstan Respýblıkasynyń barlyq azamattarymen birge jalpy kezek tártibimen júrgiziledi.

«Vaktsınanyń ekinshi komponentin alǵannan keıin qyzmetkerlerge jáne olardyń otbasy múshelerine egov mobıldik qosymshasy arqyly tıisti anyqtamalar men elektrondyq vaktsınatsııa pasporty beriledi»,-delingen habarlamada.