Koronavırýs qaı óńirlerde órship tur
Túrkistan oblysyn qospaǵanda, elimizdiń barlyq óńiri qyzyl aımaqqa endi. Aýrýshańdyq deńgeıi boıynsha Nur-Sultan, Almaty qalalary, Qaraǵandy jáne Atyraý oblystary kósh bastap tur. Jeltoqsan aıynyń sońynda statsıonarlarda 3 myńnan az adam em alsa, búginde naýqastar sany 7 myńnan asty. Emhanalar deńgeıinde emdeletin naýqastar sany da 4,8 esege artty», - dedi E. Toǵjanov Ortalyq kommýnıkatsııalar qymzetinde.
Bir ǵana Nur-Sultan qalasy boıynsha statsıonarlarda em alatyn adamdardyń sany 200 adamnan 1000-ǵa deıin, ıaǵnı 5 esege ósken. Bul jaǵdaı Densaýlyq saqtaý júıesine úlken júkteme artyp otyr.
Osyǵan baılanysty vedomstvoaralyq komıssııa qosymsha shekteý sharalaryn qabyldady.
«ıAǵnı vaktsınalaý mártebesine qaramastan, shetelden kelgenderdiń barlyǵynda teris PTR testiniń bolýy mindetteldi. Ashyq baǵdarlamasy boıynsha «jasyl« mártebe bolǵanda ǵana jumys isteýge ruqsat etilgen obektiler tizbesi keńeıtildi. Óńirlerdegi epıdemıologııalyq ahýalǵa baılanysty oqýshylardy, stýdentterdi oqytýǵa dıfferentsıaldy tásil qoldanylady. Halyq kóp jınalatyn oryndarǵa qosymsha shekteýler engizildi. Bul májbúrli sharalar, eń aldymen, azamattarymyzdy qorǵaýǵa baǵyttalǵan», - dep túsindirdi E. Toǵjanov.