Koronavırýs: Qarýly Kúshterde jeke quramnyń 80 paıyzy ekpe aldy
Qorǵanys mınıstrligindegi apparat keńesinde ótken apta qorytyndylanyp, áskerdiń qazirgi tynys-tirshiligine qatysty máseleler qaraldy.
Sonymen birge, bıyl 1 maýsymda bastalatyn jazǵy oqý-jattyǵý kezeńine daıyndyq máseleleri qaraldy. Bul rette áskerlerde komandalyq quram nusqaý berý-ádistemelik sabaqtaryn, sondaı-aq tehnıkany, oqý-jattyǵý materıaldyq bazasyn daıyndaý men polıgondardy oq-dáriler qaldyqtarynan tazartýdy uıymdastyrdy.
QR Qorǵanys mınıstri Nurlan Ermekbaev áskerı nysandardyń dıversııaǵa qarsy qaýipsizdiginiń jaı-kúıine nazar aýdardy. Osy maqsatta ol kúzet pen beınebaqylaý tehnıkalyq quraldarynyń turaqty jumys isteýin, bógetterdiń jaramdylyǵyn qamtamasyz etýdi tapsyrdy. Jabdyq isten shyqqan jaǵdaıda komanda boıynsha dereý baıandaýǵa jáne aqaýlyqtardy joıý jóninde sharalar qabyldaýǵa, al obektilerdiń qaýipsizdigin qamtamasyz etý úshin qarýly utqyr toptar men kezekshi kúshterdi tez arada jumyldyrýǵa tıis.
Budan ózge, laýazymdy tulǵalarǵa jeke avtokólikterdi áskerı nysandar aýmaǵyna kirgizýge tyıym salý týraly basshylyq buıryqtary men nusqaýlyqtarynyń talaptary eskertildi. Bul ereje mártebesine, laýazymdyq jaǵdaıyna jáne qandaı da bir qurylymdarǵa tıesiligine qaramastan, memlekettik organdardyń birinshi basshylary men qorǵanys mınıstriniń ózine de qatysty.
Bul tártipti qamtamasyz etýge, dıversııaǵa qarsy qorǵanys jáne jeke tulǵalardyń zańǵa qarsy áreketterin alýǵa qajet.
Qorǵanys vedomstvosynyń basshysy Qarýly Kúshterdiń qajettilikteri úshin iske asyrylatyn memlekettik satyp alýdy ótkizýge jeke toqtaldy. Buryn jaýapsyz ónim berýshiler dep tanylǵan sýbektilerdiń konkýrstarǵa «ótinish berý» jaǵdaılary jıi kezdesetini atap ótildi. Ásirese armııany qarý-jaraqpen jabdyqtaý jáne áskerı ınfraqurylym obektilerin paıdalanýdy qamtamasyz etý sııaqty mańyzdy salalarda buǵan jol berýge bolmaıdy. Atalǵan máseleni, qorǵanys mınıstri áskerı tehnıkany satyp alýdy uıymdastyrý jónindegi ýákiletti organ bolyp tabylatyn Indýstrııa jáne ınfraqurylymdyq damý mınıstrligimen jan-jaqty pysyqtaýdy tapsyrdy.
Bas áskerı-medıtsınalyq basqarmanyń bastyǵy COVID-19 indetin juqtyrǵandar sanynyń azaıyp kele jatqanyn atap ótti. Máselen, aldyńǵy kezeńmen salystyrǵanda ótken aptada syrqattaný 39 paıyzǵa tómendegeni baıqaldy. Mundaı kórsetkish jeke quramdy vaktsınatsııalaýdyń nátıjesimen baılanysty. 11 mamyrdaǵy jaǵdaıy boıynsha áskerı qyzmetshiler men azamattyq personal ókilderiniń 80%-dan astamy koronavırýsqa qarsy ekpe aldy. Onyń ústine, qalǵan 20 paıyzy – qazirgi ýaqytta demalysta, uzaq issaparda júrgender, sondaı-aq medıtsınalyq qarsy kórsetilimderi bar adamdar.