Koronavırýs karton men plastıkte birneshe táýlik boıy ómir súre alady

NUR-SULTAN. QazAqparat - Koronavırýs ınfektsııasynyń qandaı jerlerde uzaq ómir súretini belgili boldy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.

Zertteý nátıjesi kórsetkendeı, COVID-19 qaptama materıaldarynda, negizinen kartonda jáne plastıktiń ártúrli formalarynda birneshe saǵat, tipti birneshe táýlik boıy ómir súre alady.

Sonymen qatar, kóptegen taǵamdar tasymaldanatyn tómengi temperatýrada da vırýs turaqtylyǵyn joǵaltpaıdy.

Dúnıejúzilik densaýlyq saqtaý uıymy «qazirgi ýaqytta Covid-19 tamaqtyń betki qabaty nemese tamaq oramasy arqyly berilý faktisi kezdespegenin» málimdedi. Alaıda, uıym indettiń juǵý qaýpin azaıtý úshin birqatar qarapaıym erejelerdi saqtaý qajet dep sanaıdy.

Atap aıtqanda, tamaq oramdaryn dezınfektsııalaýdyń qajeti joqtyǵyn, biraq sýpermarketke, dúkenge nemese bazarǵa barǵannan keıin qoldy dezınfektsııalaý kerektigin habarlaıdy.

Sonymen qatar, DDSU sarapshylary saýda núktelerinen taýar salyp ákelgen polıetılen paketterdi qaıta paıdalanbaýǵa keńes beredi.