Koronavırýs: Italııada bir táýlikte 550 adam kóz jumdy

RIM. ANSA - QazAqparat – Italııanyń Densaýlyq saqtaý mınıstrligi keıingi táýlikte 40 902 adamnyń koronavırýs juqtyrý oqıǵasy anyqtalǵanyn málimdedi. Bul pandemııa bastalǵaly tirkelgen táýliktik eń joǵary kórsetkish, dep habarlaıdy QazAqparat ANSA agenttigine silteme jasap.

Mınıstrliktiń málimeti boıynsha, koronavırýstan 550 adam kóz jumdy.

Beısenbi kúni 37 978 juqtyrý oqıǵasy tirkelip, 636 adam ómirden ótken bolatyn.

Pandemııa bastalǵaly kóz jumǵandar sany 44 139 myń adamǵa jetti. Aýrýdyń belgisi bar 30 000-nan astam adam aýrýhanada jatyr.

Sondaı-aq, juma kúni koronavırýstyń bar-joǵyn anyqtaıtyn 254 000 test alynyp, rekordtyq kórsetkishke jetti. Onyń 16%-ynan ınfektsııa anyqtalǵan.

Jalpy koronavırýsqa shaldyqqandar sany, saýyǵyp shyqqandar men mert bolǵandardy qosqanda 1 107 3030 adamǵa jetti.