Koronavırýs: Ispanııada óńirler arasyndaǵy qozǵalysqa tyıym salyndy

LONDON. QazAqparat – AQSh-tyń joǵary shendi saıasatkerleri meıramhanalardan túski as iship, kýrorttarǵa ushady, al halyqqa úıde otyrýdy buıyrady, ıspandyqtar Rojdestvoda basqa aımaqtardaǵy týystaryna bara almaıdy, Chehııa uzaqqa sozylǵan lokdaýnnan shyǵady. Bul týraly QazAqparat VVS -ge silteme jasap habarlaıdy.

AQSh-ta Tehas astanasy Ostınniń merimen janjal shyqty. Demokrat Stıv Adler birneshe ret qala turǵyndaryn epıdemıologııalyq normalardy saqtaýǵa, áleýmettik qashyqtyq týraly umytpaýǵa, múmkindiginshe úıden jumys isteýge jáne qoǵamdyq oryndarǵa jıi barmaýǵa shaqyrdy. Ostın turǵyndaryna arnalǵan sońǵy beıneúndeýlerdiń birinde ol: «Qazir demalatyn ýaqyt emes. Biz (adamdardyń tártibin) muqııat qadaǵalaımyz. Eger saq bolmasaq, kóp nárseni jabýǵa týra keledi» degen.

Alaıda, Austin American-Statesman jergilikti basylymy mer beınerolıkti óz otbasymen birge jeke ushaqpen ushyp ketken meksıkalyq kýrorttardyń birinde jazǵanyn bildi.

Sonymen birge, AQSh-ta vırýstan aýyrǵandar men qaıtys bolǵandardyń táýliktik kórsetkishteri boıynsha óziniń antırekordyn jańartty. Sońǵy 24 saǵat ishinde sáıkesinshe 195,6 myń aýyrsa jáne 2733 adam. Epıdemııa bastalǵannan beri eldegi aýrýǵa shaldyǵý jaǵdaılarynyń jalpy sany 14 mıllıon adamǵa jýyqtady, 264 myńnan astam qaıtys boldy.

Los-Andjeles qalasynyń meri qala turǵyndaryna úılerinen shyqpaý týraly shuǵyl ókim shyǵardy. Ókim jarııalanǵan kezde kúshine endi.

Beısenbi kúni Ispanııa bıligi merekelik kezeńde aımaqtar arasynda qozǵalýǵa tyıym salynatynyn rastady.

Italııada 21 jeltoqsannan 6 qańtarǵa deıin provıntsııalar arasynda qozǵalysqa tyıym salynady.

Frantsııa halyqty vaktsınatsııalaýdyń birinshi kezeńin bastaýǵa daıyn. Aldaǵy ýaqytta 100 mln adam ekpe alady. Portýgalııa beısenbide tegin vaktsınatsııa josparlary týraly jarııalaıdy. Buǵan deıin el bıligi 22 mıllıon doza satyp alýdy josparlap otyrǵanyn aıtqan, biraq vaktsınatsııa protsesin uıymdastyrýǵa ýaqyt qajet.

Beısenbide Chehııada 6 aptalyq úzilisten keıin dúkender, meıramhanalar, sportzaldar, basseınder men murajaılar ashylady. Kelýshiler sanyna shekteý qoıylady. Teatrlar men kınoteatrlar áli jumysyn qaıta bastaı almaıdy. Táýliktik aýrý juqtyrý deńgeıi áli de joǵary, biraq bıliktiń aıtýynsha, kórsetkish tómendeýiniń aıqyn dınamıkasy kórinedi. Ótken táýlikte elde 4,5 myńnan astam aýrýǵa shaldyǵý jaǵdaıy anyqtaldy, bul ótken aptadaǵy táýliktik kórsetkishten az.

Germanııada sońǵy táýlikte taǵy 479 adam koronavırýstan qaıtys boldy. Keshe keshke barlyq 16 federaldy shtattyń bıligi shekteýlerdi 10 qańtarǵa deıin uzartýǵa kelisti. Atap aıtqanda, qonaq úıler men meıramhanalar jabyq kúıinde qalady. Buǵan deıin Berlın mundaı sharalardy talap etken, Germanııa kantsleri Angela Merkel federaldy shtattar basshylarynyń atalǵan shekteýlerge kelispeýi ult densaýlyǵyna qaýip tóndiretinin aıtqan.