Koronavırýs ınfektsııasyn juqtyrý jaǵdaılary tómendedi - Alekseı Tsoı

NUR-SULTAN. QazAqparat – Qazaqstanda koronavırýs ınfektsııasyn juqtyrý jaǵdaılary tómendep keledi. Bul týraly Úkimet otyrysynda Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Qazaqstan 6 maýsymnan beri «jasyl» aımaqta tur. «Qyzyl» aımaqta Nur-Sultan qalasy qalyp otyr. Al «sary» aımaqta: Almaty qalasy, Aqmola, Atyraý, Batys Qazaqstan, Qaraǵandy jáne Pavlodar oblystary», - dedi A. Tsoı.

Onyń aıtýynsha, «jasyl» aımaqta 10 óńir ornalasqan: Shymkent qalasy, Almaty, Aqtóbe, Jambyl, Qostanaı, Qyzylorda, Mańǵystaý, Shyǵys Qazaqstan, Soltústik Qazaqstan jáne Túrkistan oblystary.

«Respýblıka boıynsha jalpy koronavırýs ınfektsııasyn juqtyrý jaǵdaılary tómendep keledi. Sońǵy aptada KVI-di anyqtaý 11 myńnan 8 myń jaǵdaıǵa deıin azaıdy nemese ótken aptamen salystyrǵanda 1,3 esege tómendedi. Mamyr aıynyń basynan beri indetke shaldyǵý 2,1 esege azaıdy», - dedi mınıstr.