Koronavırýs: Indonezııada joldarǵa blokpostar qoıyldy

DJAKARTA. QazAqparat – Indonezııa polıtsııasy ıAva jáne Balı araldarynyń joldary men 400-den astam baqylaý-ótkizý beketterinde blokpostar ornatty. Bul senbi kúni júzdegen mıllıon adamnyń úılerinde qalyp, koronavırýstyń taralýyn boldyrmaý maqsatynda qoldanylǵan shara, dep habarlaıdy QazAqparat Reuters agenttigine silteme jasap.

Koronavırýstyń Azııada eń qatty ýshyǵýyna qarsy kúres kezeńinde álemde halyq sany jaǵynan tórtinshi orynda turǵan elde sońǵy 12 kúnniń ishindegi segizinde ınfektsııa taralýynyń rekordtyq sany tirkelgen. Bul rette juma kúni vırýsqa shaldyǵýdyń 25 830 oqıǵasy men 539 ólim jaǵdaıy tirkelgen.

«Biz ádette adam eń kóp jınalatyn 21 orynǵa patrýl ornattyq», - dedi juma kúni keshke ótken baspasóz máslıhatynda Indonezııa Ulttyq polıtsııasynyń basshysy Istıono.

Polıtsııa ókili jańa shekteýlerdiń saqtalýyn qamtamasyz etý maqsatynda 21 myńnan astam polıtseı men áskerı qyzmetkerlerdiń Indonezııanyń halyq sany eń kóp ıAva araly men týrıstik kýrorttyq Balı araldaryn qorshaýǵa alatynyn málim etti.

Alǵash ret Úndistanda anyqtalǵan Delta shtamy Indonezııada tez taralyp jatyr. Elde qaýipti vırýsqa shaldyqqandar sany 2,2 mıllıon adam, al odan qaıtys bolǵandar sany 59 500 adamnan asqan.