Koronavırýs: Frantsııa vaktsınatsııany jyldamdatýda, al brıtandyq oqýshylar mektepke oraldy

BERLIN-PARIJ. QazAqparat – Germanııada sport zaldary qaıta ashyldy, Frantsııa vaktsınanyń qarqynyn kúrt arttyrdy, al brıtandyq mektep oqýshylary partalaryna qaıta oralyp jatyr. Birqatar Eýropa elderi pandemııaǵa baılanysty jaǵdaıdyń birtindep turaqtalatynyn jarııalaıdy, dep habarlaıdy QazAqparat Euronews.com saıtyna silteme jasap.

Germanııadaǵy keıbir federaldy jerlerde sport zaldary qaıta jumys jasaı bastady.

Bıliktiń aıtýynsha, eldegi Covid-19 jaǵdaıy «turaqtandy» – 100 myń turǵynǵa shaqqanda ınfektsııanyń shamamen 50 jaǵdaıy keledi. Koronavırýstyń ólim deńgeıi tómendedi.

Reanımatsııadaǵy patsıentterdiń sany da azaıyp keledi.

«Árıne, bul jańalyq qatty qýantty. Óıtkeni úsh aı boıy úıde jattyǵyp, júgirgennen keıin sport zaldardyń ashylýy kádimgideı jaqsy boldy. Áli de maska taǵý sııaqty shekteýlerdiń bolǵanyna qaramastan, erkin tynystaıtyn boldyq», – deıdi eýropalyqtar.

Vaktsınalaýdyń baıaý bastalǵany úshin synǵa ushyraǵan Frantsııa bıligi onyń qarqynyn kúrt jedeldetti.

Elde tipti senbi kúnderi jumys isteıtin júzdegen vaktsınalaý ortalyqtary ashyldy. Onda tórt iri áskerı aýrýhana qaıta jabdyqtaldy.

«Maskalar sheshilsin!» «Jasasyn bostandyq!» degen uran jazyp alǵan 3000-ǵa jýyq demonstrant Rýmynııa astanasyndaǵy úkimet úıiniń aldyna jınaldy. Olar vaktsınalaýǵa jáne «vaktsına tólqujattaryn» engizýge narazylyq bildirdi. Býharest bıliginiń sheshimi qarsańynda barlar men meıramhanalardyń jabylýy birinshi ret emes. Olar kem degende eki aptaǵa jabylady.

Italııa koronavırýstyń 100 000-nan astam ólimimen Eýropadaǵy alǵashqy memleket boldy.

Mundaı derekterdi respýblıkanyń densaýlyq saqtaý mınıstrligi usyndy. Bul esep boıynsha koronavırýsty juqtyrǵan 100 100-den astam adam qaıtys boldy, ótken táýlikte bul kórsetkish 318 adamǵa artty.

Pandemııadan zardap shekken aımaqtar Lombardııa (30 myńǵa jýyq ólim), Emılııa-Romanıa (11 myńǵa jýyq), Pemont jáne Veneto (10 myń ólim) boldy.

Rımniń Termını temirjol vokzalynan vaktsınalaýǵa qajetti medıtsınalyq jabdyqtar artylǵan poıyz jóneltildi.

Jospar boıynsha, onda kúnine bir jarym myń ıtalııalyq vaktsına alady. Sonymen qatar vaktsına pýnktileri eldiń onshaqty temirjol stansasyna ornalastyryldy.

Infektsııa sanynyń kóbeıýine baılanysty eki óńir «qyzǵylt sary» aımaqqa, bireýi – Kampanııa qalasy «qyzyl» aımaqqa jatqyzyldy.