Koronavırýs: Eýroodaq aýmaǵyna kirý úshin vaktsına sertıfıkaty talap etilýi múmkin be

BERLIN. QazAqparat – Eýroodaqta koronavırýstan vaktsınatsııalaý týraly biryńǵaı sertıfıkat bekitýge nıetti. Bul áýeli tek medıtsınalyq qujat bolmaq. Bul neni bildiredi jáne ol shengen vızasyn alý úshin mindetti me? Bul týraly dw.com basylymynda jarııalanǵan aqparatta aıtylǵan, dep habarlaıdy QazAqparat.

Eýroodaqta SARS-CoV-2 koronavırýsyna qarsy vaktsınalaý týraly biryńǵaı sertıfıkat engizýge kelisti. Bul týraly Eýroodaqqa múshe memleketter men úkimet basshylary beınekonferentsııasynyń qorytyndysy kezinde Eýrokeńes basshysy Sharl Mıshel málim etti.

Ekpe jasatqan adamnyń tólqujaty – týrızm úshin arnaıy shart pa?

Búkil Eýroodaq úshin vaktsınalaý týraly biryńǵaı sertıfıkatty Grekııa eliniń premer-mınıstri Kırıakǵos Mıtsotakıs usynǵan. Onyń úkimeti osyndaı qujattyń formasyn daıarlap ta úlgergen. Ol Eýroodaq basshysy Ýrsýla fon Lıaıenge jazǵan hatynda «Vaktsınalaýdy mindetti etpeı, ony saparlar úshin mindetti talap etpesek te, koronavırýsqa qarsy salynǵan ekpeni «keıinge qaldyrýǵa bolmaıtyn mindet» dep atady.

Grekııany Eýroodaqtyń týrızmge táýeldi basqa elderi: Ispanııa, Portýgalııa, Malta biraýyzdan qoldady.

19 qańtarda Eýrokomıssııa EO elderimen vaktsınalaý týraly sertıfıkatty daıarlaý jumystaryn júrgizip jatqanyn málimdedi.

EO elderiniń kóshbasshylary vırtýaldy sammıtte «medıtsınalyq maqsattar úshin vaktsınalaýdy» rastaıtyn standarttalǵan jáne jalpy formany daıarlaıtyny týraly kelisti, dep atap ótti Eýropalyq keńes basshysy Sharl Mıshel. «Al kelesi kezeńderde bul sertıfıkattardyń basqa maqsattar úshin qoldanyla ala ma, joq pa jáne qandaı jaǵdaıda ekenin kóretin bolamyz», - dep qosty ol.