Koronavırýs: EO elderi AstraZeneca-men vaktsınalaýdy jalǵastyrady, Kıev pen Parıjde – lokdaýn
AstraZeneca – bul qaýipsiz jáne tıimdi vaktsına. Mundaı qorytyndyny Eýropanyń dári-dármek jónindegi agenttigi (EMA) jasady. Agenttik Oksford vaktsınasyn alǵan adamdarda qan uıý jaǵdaılaryn teksergen.
Agenttik atap ótkendeı, ony qoldanýdyń oń áseri barlyq yqtımal táýekelderden asyp túsedi.
EMA AstraZeneca vaktsınalary men keıbir patsıentterde bolǵan tromboz arasynda esh baılanys joq ekenin rastady.
Buǵan deıin Eýropalyq odaqtyń birqatar eli, sonyń ishinde Avstrııa, Frantsııa, Germanııa, Italııa, Nıderlandy jáne Ispanııa AstraZeneca vaktsınasymen egýdi ýaqytsha toqtatqan bolatyn. Sebep – vaktsınalanǵandarda aýyr tromboembolııalyq asqynýlardyń paıda bolýy.
Germanııa atalmysh vaktsınadan keıin trombtardyń paıda bolýynyń jańa jaǵdaılary jóninde áli de habarlaýda. El bıligi bul vaktsınamen egýdi ótken dúısenbide toqtatqan edi. Ol kezde qan uıýǵa qatysty 7 oqıǵa týraly aıtylǵan bolatyn. Onyń ishinde úsh naýqas kóz jumdy.
Eýropa AstraZeneca vaktsınasymen egýdi qaıta jalǵastyrady
Eýropanyń dári-dármek jónindegi agenttigi Oxford-AstraZeneca vaktsınasyn qaýipsiz dep tanyǵannan keıin kóptegen eýropalyq el atalmysh preparatpen egýdi qaıta jalǵastyratynyn málimdedi.
Germanııanyń densaýlyq saqtaý mınıstri Iens Spannyń atap ótýinshe, elde koronavırýsqa qarsy AstraZeneca vaktsınasymen egý jumadan bastap qaıta júrgiziledi.
«Federaldy úkimettiń jáne 16 jerdiń maqsaty – AstraZeneca-men egýdi erteńnen bastap jalǵastyrý», - degen I.Span, bul rette, dárigerler vaktsınatsııa jasamas buryn adamdarǵa trombtyń paıda olý yqtımaldyǵy jóninde eskertýi kerektigin aıtty.
Al Ispanııa AstraZeneca-men egýdi kelesi sársenbiden bastamaq. Bul týraly beısenbi kúni densaýlyq saqtaý mınıstri Karolına Darıas málimdedi.
Buǵan deıin Italııa da atalmysh preparatmen egýdi jalǵastyratynyn málimdegen bolatyn.
Tek Shvetsııa bıligi bul másele boıynsha sheshim qabyldaý úshin «birneshe kún qajettigin» aıtqan bolatyn.
Frantsııada jańa lokdaýnParıj ben onyń mańyndaǵy qalalarda engiziledi. Frantsııanyń soltústigi men Nıtstsa aınalasyndaǵy aýmaq senbiden bastap tórt aptaǵa sozylatyn jańa shekteý aımaǵyna kiredi. Bul aımaqtarda Covid-19 indetin juqtyrýshylar sanynyń kúrt ósýi baıqaldy.
Premer-mınıstr Jan Kastekstiń paıymynsha, Frantsııanyń keıbir aýdandaryn qazir koronavırýstyń úshinshi tolqyny basty. Jalpy, el boıynsha kún saıyn ınfektsııaǵa shaldyǵýdyń 35 myń jaǵdaıy tirkeledi, olardyń tórtten úshi Covid-19-dyń brıtandyq jańa túrine shaldyǵýshylar.
Jańa lokdaýn mektepter men ýnıversıtetterdiń jabylýyn kózdemeıdi, sondaı-aq adamdardyń ashyq aýada jattyǵýlar jasaı alatyn ýaqytyn shektemeıdi. Biraq kishigirim dúkender jabylyp, Parıjden basqa aımaqtarǵa barýǵa tyıym salynady.
Búkilhalyqtyq komendanttyq saǵat óz kúshinde qaldy, biraq jazǵy ýaqytqa baılanysty ol keshki 6-dan emes, 7-den bastalady. J.Kasteks sonymen birge Frantsııa erteńnen bastap Eýropalyq medıtsınalyq agenttik maquldaǵannan keıin AstraZeneca vaktsınasymen egýdi qaıta bastaıtynyn jáne ózi de ekpe alatynyn aıtty.
Kıevte kúrdeli epıdemıologııalyq jaǵdaıǵa baılanysty 20 naýryzda saǵat 00.00-den bastap qatań lokdaýn jarııalandy, ol 9 sáýirge deıin kúshinde bolady, dedi qala meri Vıtalıı Klıchko.
20 naýryzdan bastap Ýkraına astanasynda saýda ortalyqtary, meıramhanalar, murajaılar, teatrlar men kınoteatrlar jabylady. Kıevtegi qoǵamdyq kólikter ádettegideı jumys isteıdi. Biraq onyń tolymdylyǵy 50% aspaýy kerek jáne barlyq jolaýshy maskalyq rejımdi saqtaýy qajet.
Sońǵy birneshe kúnde Ýkraınada koronavırýspen aýrýhanaǵa túskenderdiń sany boıynsha rekord ornady: 16 naýryzda aýrýhanaǵa 5 myńǵa jýyq adam, 17 naýryzda 4,3 myńnan astam adam tústi.