Koronavırýs: Elorda «qyzyl» aımaqtan nelikten shyǵa almaı otyr

NUR-SULTAN. QazAqparat – Elordada 220 kásipkerlik sýbektisi «Ashyq» jobasyna qosylǵan. Bul týraly Nur-Sultan qalasynyń bas memlekettik sanıtar dárigeri Sarhat Beısenova aıtty, dep habarlaıdy QazAqparat tilshisi.

«Koronavırýs ınfektsııasy tirkelýiniń negizgi sebebi turǵyndardyń karantındik talaptardy saqtamaýy, atap aıtqanda, adamdar jappaı jınalatyn jerlerge barýy, maska taqpaýy bolyp otyr. Sonymen qatar ambýlatorlyq naýqastardyń, sonymen jaqyn baılanysta bolǵan tulǵalardyń úı karantıni rejımin saqtamaýy da ınfektsııa tirkelýiniń bir sebebi», - dedi ol ákimdikte ótken brıfıngte.

Onyń atap ótýinshe, úı karantıni rejıminiń buzylýy «Ashyq» jobasy arqyly anyqtalyp jatyr. Máselen, sáýirde jobaǵa qatysatyn nysandarǵa úı karantıninde jatqan 736 adamnyń barǵany anyqtalyp otyr. Olardyń 299-y - naýqas, al 437-i baılanysta bolǵan adamdar.

«Búginde Nur-Sultan qalasynda «Ashyq» jobasy 220 kásipkerlik sýbektisin biriktirip otyr. Onyń shinde 50 fıtnes klýby, 23 SPA ortalyǵy, 12 basseın, 3 boýlıng klýby, 32 komıýter klýby, 20 saýna, 60 qoǵamdyq tamaqtaný orny, 11 kınoteatr men teatr bar», - dedi Sarhat Beısenova.

Eske salaıyq, Nur-Sultan qalasy koronavırýs ahýalyn baǵalaý matrıtsasynda 1,5 aı boıy «qyzyl» aımaqta tur.