Koronavırýs elimizdiń kólik salasyna qalaı áser etti

NUR-SULTAN. QazAqparat - Álemdi jaılaǵan koronavırýs ınfektsııasy elimizdiń ekonomıkasynyń barlyq salasymen qatar kólik sektoryna da keri áserin tıgizdi. Poıyzdardyń qatynaý jıiligi qysqartylyp, áýe kemeleriniń kóptegen elge tikeleı reısteri alynyp tastaldy. Avtobýspen jolaýshylar tasymaldaý jáne júk kóligimen júk jetkizý qyzmetine de birqatar kedergiler oryn aldy. Osyǵan oraı elimizdiń kólik salasynda koronavırýstyq «COVID-19» ınfektsııasynyń taralýyna jol bermeý jónindegi sharalarǵa qysqasha toqtalyp ótsek.

Temir jol kóligi salasy

Іndet taralǵanǵa deıin Qazaqstan aýmaǵynda 156 jup poıyz qatynaǵan bolsa, búginde sonyń 39 juby ýaqytsha toqtatylyp tur. Qazirgi ýaqytta respýblıka ýmaǵynda epıdemıologııalyq sharalardy qatań saqtaı otyryp, 117 jup, onyń ishinde «Jolaýshylar tasymaly» AQ-nyń - 31, «Qala mańyndaǵy tasymaldaý» AQ-nyń - 64, jeke tasymaldaýshylardyń - 22 poıyzy qatynaıdy. Memleket basshysynyń tapsyrmasy aıasynda temirjol vokzaldarynda sanıtarlyq-epıdemıologııalyq baqylaý kúsheıtilgen. Al vedomstvoaralyq komıssııanyń sheshimimen VAK sheshimimen Shyǵys Qazaqstan, Soltústik Qazaqstan, Aqmola, Qostanaı jáne Pavlodar oblystary boıynsha jolaýshylar poıyzdarynyń júrýine ýaqytsha shekteýler qabyldanǵan.

Naqtyraq aıtqanda, Shyǵys Qazaqstan oblysynda 2 qarashadan bastap) Nur-Sultan-Óskemen baǵytyndaǵy №67/68 jolaýshylar poıyzynyń júrý merzimdiligi aptasyna 3-ten 1 retke deıin, Almaty–-Óskemen baǵytyndaǵy №351/352 poıyzy aptasyna 7-den 3 retke deıin qysqartyldy. Shyǵys Qazaqstan oblysynyń stantsııasynan poıyzǵa otyrǵyzý teris nátıjesi bar COVID-19 PTR testileýden ótkeni týraly anyqtama bolǵan kezde júzege asyrylady. Almaty–Pavlodar baǵytyndaǵy №31/32 jolaýshylar poıyzynyń qozǵalysy Shyǵys Qazaqstan oblysynyń barlyq stantsııalary arqyly tranzıtpen jolaýshylardy otyrǵyzýsyz/túsirmeı júrgiziledi. Otyrǵyzý kezinde keminde 3 táýlik buryn COVID-19-ǵa PTR testileýden ótkeni týraly anyqtama bolmaǵan jaǵdaıda, sondaı-aq júrý jıiligi ózgergen, poıyzdarǵa otyrǵyzý/túsirý toqtatylǵan jaǵdaıda jol júrý qunyn 100 paıyz qaıtarý júzege asyrylady.

2020 jylǵy 9 qarashadan bastap Soltústik Qazaqstan oblysynda № 705/706 Almaty–Petropavl jolaýshylar poıyzynyń júrý merzimdiligi azaıtylyp, tranzıttik jolaýshylar poıyzdarynyń qozǵalysy Soltústik Qazaqstan oblysynyń barlyq stantsııalary arqyly jolaýshylardy otyrǵyzýsyz/túsirmeı júrgizilýde.

Pavlodar–Almaty baǵytyndǵy №31/32 jolaýshylar poıyzynyń júrý merzimdiligi de qysqartylyp, jolaýshylar poıyzdarynyń qozǵalysy Pavlodar, Ekibastuz, Aqsý-2 jáne Bozshakól stantsııalaryn qospaǵanda, Pavlodar oblysynyń barlyq stantsııalary arqyly jolaýshylardy otyrǵyzýsyz/túsirmeı júzege asyrylyp keledi. №55/56 Qyzylorda–Kókshetaý jolaýshylar poıyzynyń júrý merzimdiligi de azaıtyldy.

Al Qostanaı-Almaty baǵytydaǵy №43/44, Qostanaı-Qaraǵandy baǵytyndaǵy №327/328 jolaýshylar poıyzdarynyń júrý merzimdiligi aptasyna 7 retten 3 retke deıin qysqartyldy. Jolaýshylar poıyzdarynyń qozǵalysy Qostanaı, Tobyl, Qusmuryn, Esil, Arqalyq jáne Jelezorýdnaıa stantsııalaryn qospaǵanda, Qostanaı oblysynyń barlyq stantsııalary arqyly jolaýshylardy otyrǵyzýsyz/túsirmeı júzege asyrylýda. Temirjol vokzaldaryna kútip alýshylardy/shyǵaryp salýshylardy jiberýge tyıym salynady. Bılet bolǵan jaǵdaıda ǵana ruqsat etiledi.

Avtomobıl kóligi salasy

Osy jylǵy 17 naýryzdan bastap elimizde 117 halyqaralyq jáne 284 oblysaralyq turaqty avtobýs marshrýttary toqtatyldy Al 31 tamyzdan bastap 1 156 oblysishilik marshrýttardyń jumysy jandandyryldy. Epıdemıologııalyq jaǵdaıdyń odan ári nasharlaýyn boldyrmaý úshin qatysy bar uıymdarǵa avtobýs tasymaldaryn júzege asyrǵan kezde avtovokzaldarda sanıtarııalyq sharalardy qatań saqtaý týraly tıisti qatynas qujattar joldandy.

Al júkterdiń halyqaralyq avtotasymalyn júzege asyratyn júrgizýshilergi PTR-testiniń nátıjelerimen birge júrýi tıis delingen talap engizildi. Naqty aıtqanda, elimizdiń Bas memlekettik sanıtar dárigeriniń qalýysyna sáıkes, Qazaqstan aýmaǵy arqyly tranzıttik júk tasymaldaryn júzege asyratyn júrgizýshiler termometrııa men saýalnamadan ótedi. Halyqaralyq júk tasymaldaryn ekijaqty qatynasta júzege asyratyn júrgizýshiler termometrııa, saýalnama jáne COVID-19-ge PTR tásilimen zerthanalyq tekserip qaraýdan ótýge mindetti edi. COVID-19-ge PTR tásilimen zerthanalyq tekserip qaraý úshin materıaldardy alǵannan keıin, baratyn jerine deıin marshrýt arqyly jolyn jalǵastyrady. Atalǵan anyqtamalar berilgen kezden bastap 72 saǵat jaramdy.

Aıta keterligi, koronavırýs ınfektsııanyń saldarynan zardap shekken tasymaldaýshylardy qoldaý maqsatynda 2020 jyldyń sońyńa deıin ekonomıkalyq ósýdi qalpyna keltirý jónindegi keshendi jospar qabyldandy. Osy jospar aıasynda habarlama berilgen sátten bastap 48 saǵattan astam toqtap turǵan júkterdi saqtaý úshin 10 eselengen alym mólsheri 6 aıǵa toqtatyldy. Koronavırýstyq ınfektsııaǵa oraı tasymaldardy shekteýge baılanysty qarjylandyrý josparynda kózdelgen shekterdegi naqty shyǵystardy negizge ala otyryp, temirjol tasymaldaýshylary sýbsıdııalandy. Sonymen qatar shet elderdiń ruqsat berý blankilerin berýdiń aqparattyq júıelerimen yqpaldastyra otyryp, tasymaldaýshylarǵa ruqsat blankilerin berý protsesin avtomattandyrý júrgizilip jatyr.