Koronavırýs: Brazılııa álemde ekinshi orynda tur, Italııa úıden shyǵýǵa tyıym saldy

NUR-SULTAN. QazAqparat - Koronavırýstyń taralýyna qarsy vedomstvoaralyq komıssııa álemdegi epıdemıologııalyq jaǵdaıǵa sholý jasady, dep habarlaıdy QazAqparat.

Brazılııa koronavırýs ınfektsııasyn juqtyrǵandar sany boıynsha álemde ekinshi orynǵa shyqty.

Sondaı-aq, munda kúndelikti KVI óliminiń jańa rekordy ornady: bir kúnde 2300-ge jýyq adam qaıtys boldy.

Covid-19 taralýyn toqtatý maqsatynda bılik reseılik «Spýtnık V» vaktsınasyn satyp alýǵa kelisimshart jasasty.

Atalǵan vaktsınanyń 10 mıllıon dozasy AstraZeneca jáne Sinovac kompanııalarynyń preparatymen birge qosymsha sáýir aıynan bastap elge úsh kezeńmen jetkizilmek.

Túrkııa týrıstik sala qyzmetkerlerin vaktsınalaý baǵdarlamasyn júzege asyrýa bastady.

«Biz vaktsınatsııa júrgizý úshin týrıstik sektor qyzmetkerlerin tirkeýdi bastadyq» dep habarlady eldiń Mádenıet jáne týrızm mınıstrligi.

Atalǵan is-shara «Qaýipsiz týrızm» baǵdarlamasy aıasynda ótýde.

Italııanyń toǵyz aımaǵy 15 naýryzdan bastap maksımaldy shekteý sharalaryn qamtıtyn «qyzyl aımaqqa» aýysty. Al qalǵan óńirleri «qyzǵylt sary» aımaqta qalady.

Elde táýligine Sovid-19-dyń 27 myńǵa jýyq jańa jaǵdaıy anyqtalyp jatyr.

«Qyzyl aımaqta» ornalasqan óńirlerde úıden sebepsiz shyǵýǵa tyıym salynǵan, azyq-túlik dúkenderi men dárihanalardan basqa barlyq saýda nysandary jabyq.

«Qyzǵylt sary aımaq» turǵyndaryna jumysqa nemese dárigerlerge barýdan basqa, eldimekennen shyǵýǵa tyıym salynǵan.