Koronavırýs: BQO-da 624 naýqas ınfektsııalyq statsıonarda jatyr

ORAL. QazAqparat – Batys Qazaqstan oblysynda 810 tósektik 10 ınfektsııalyq statsıonarda 624 naýqas jatyr, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, juqpaly aýrýlar statsıonarlary 77 paıyzǵa tolǵan.

Sonyń ishinde 32 naýqas jansaqtaý bóliminde emdelýde.

Oǵan qosa 195 tósektik 4 karantındik statsıonarda 21 adam bar.

«Qyzyl» aımaqta turǵan oblysta bir aptada 885 adam koronavırýs juqtyrdy.

Pnevmonııaǵa shaldyqqan 468 adam statsıonarlyq, 43-i ambýlatorlyq em alýda.

Invazıvti jasandy tynys alý apparatyna 6, ınvazıvti emes osyndaı qurylǵyǵa 13, ottegi kontsentratoryna 33, ortalyqtandyrylǵan ottegi kózine 113 adam qosylǵan.

Basqarma málimetine qaraǵanda, jyl basynan beri 592 bala indet juqtyrǵan.

Іri kásiporyndardan Chınarev ken ornyndaǵy «Jaıyqmunaı» JShS-dan bıyl 38, Qarashyǵanaq kenishin ıgerip jatqan «QPO b.v.» kompanııasynan 90 adamnan koronavırýs tabyldy.

Statsıonarlarda 355 medıtsına qyzmetkeri (74 dáriger, 155 orta, 126 kishi býyndy medıtsına qyzmetkeri) jumys jasaýda.

Óńirde 13 zerthanada 22983 zertteýge arnalǵan 459,56 test júıesi bar. Sońǵy táýlikte 2272 zertteý júrgizildi.

«Call-ortalyqtar úsh aýysymda táýlik boıy jumys istep jatyr. Sońǵy aptada (12-18 sáýir) 109 telefonyna 4763 qońyraý shalynsa, sonyń 601-i kovıdke qatysty boldy. Jedel járdem stansasynda 100 avtokólik bar. Táýligine 800-850-den astam shaqyrtý túsedi. Emhanalar janynda patsıentterdi baqylaý úshin 124 mobıldi brıgada qurylǵan», dep habarlady vedomstvodan.

Eske sala keteıik, budan buryn Batys Qazaqstanda bir táýlikte 205 adamnan koronavırýs anyqtalǵanyn jazǵan edik.