Koronavırýs belgileri baıqalsa, birden jedel járdem shaqyrý kerek - Erjan Babaqumarov

ALMATY. QazAqparat - Almaty qalasy ákiminiń orynbasary Erjan Babaqumarov qala turǵyndaryna koronavırýs ınfektsııasynyń belgileri baıqalǵan jaǵdaıda emhanaǵa barmaý jóninde keńes berdi, dep habarlaıdy QazAqparat tilshisi.

Erjan Babaqumarovtyń aıtýynsha, koronavırýs belgileri anyqtalǵan jaǵdaıda emhanaǵa barmaı, birden jedel járdem shaqyrý kerek. Óıtkeni vırýs odan ármen taraýy múmkin.

«Mańyzdy bir keńes - eger sizden koronavırýs sımptomdary baıqalsa, medıtsınalyq mekemege barmaǵanyńyz abzal. Sebebi vırýs odan ári taralýy múmkin. Habarlassańyz ınfektsııalyq boksqa tasymaldaý máselesi sheshiledi»,– dedi E. Babaqumarov.

Sonymen qatar, ol úıinde karantınde jatýdan bas tartqandar úshin jaza engizilýi múmkin ekenin jetkizdi.

«Biz máslıhattan karantınde bolýy tıis, biraq oqshaýlanýdan bas tartqan adamdarǵa jaza qoldanýdy suraımyz»,- dedi qala ákminiń orynbasary.