Koronavırýs aıasynda balalarda Kavasakı sındromy paıda bolýy múmkin – dáriger

ALMATY. QazAqparat - Pandemııany toqtatýdyń jáne jańa omıkron shtamynan qorǵanýdyń jalǵyz joly - revaktsınatsııa. Bul týraly óńirlik kommýnıkatsııalar qyzmetiniń baspasóz máslıhatynda «Jas qanat» ortalyǵy bas dárigeriniń orynbasary Qarlyǵash Beısbaeva málim etti, dep habarlaıdy QazAqparat tilshisi.

Onyń aıtýynsha, búginde Almatyda revaktsınatsııadan 55 192 turǵyn ótti.

Úshinshi vaktsınatsııaǵa aqpan men naýryz aılarynda alǵashqylardyń biri bolyp egilgender keledi.

Qarlyǵash Beısbaeva revaktsınatsııa – medıtsınadaǵy qarapaıym norma ekenin tilge tıek etti.

«Bul - vaktsınalanýdan keıin alynǵan ımmýnıtetti saqtaýǵa baǵyttalǵan qaıta egý. Protsedýra údetkish ınektsııa dep te atalady, ıaǵnı «kúsheıtý». Alty aı ótkennen keıin vaktsınalanýdyń tolyq kýrsyn alǵan adamdarǵa bir márti bir doza egiledi», - dep túsindirdi «Jas qanat» AMSK ortalyǵy basshysynyń orynbasary.

Úshinshi vaktsınatsııadan keıin adam aǵzasy bakterııamen nemese vırýspen birneshe ret soqtyǵysqan kezde onymen qalaı kúresý kerektigin «biletin» naqty antıdeneler shyǵarady.

Megapolıs klınıkalarynda bar preparattarmen qaıta vaktsınalanýǵa bolady. Olardyń barlyǵy óz tıimdiligin kórsetti.

Sozylmaly aýrýlary bar adamdarǵa revaktsınatsııaǵa asyǵý óte mańyzdy, olarda koronavırýs juqtyrǵan kezde asqynýlar jıi kezdesedi.

Qarlyǵash Beısbaeva «omıkron» álemde óte tez taralatynyn moıyndady, sondyqtan dárigerlerdiń usynystaryna qulaq asyp, revaktsınatsııa qajettigin eske salady.

Jasóspirimder men júkti áıelderge vaktsınatsııa jasaý óte mańyzdy.

Búginde Comirnaty kompanııasynyń preparatymen Almatynyń 28 173 turǵyny egildi, onyń ishinde 1 540 júkti áıel, 5 612 bala emizetin ana jáne 21 021 jasóspirim.

«Jasóspirimder – gormonaldy ózgeristeri bar balalardyń erekshe toby. Jas balalardan aıyrmashylyǵy, olarda aýrý qaýpi joǵary, sonymen qatar olar - áleýmettik belsendi jáne ınfektsııanyń qozdyrǵyshy. Aıta ketsek, koronavırýs aıasynda balalarda ishki múshelerge áser etetin Kavasakı kópjúıeli qabyný sındromy paıda bolýy múmkin, osyǵan baılanysty biz ata-analarmen áńgimelesip, 12 jastan 18 jasqa deıingi jasóspirimderdi Pfizer kompanııasy shyǵarǵan vaktsınany alýǵa shaqyramyz», - dedi dáriger.

Spıker Jańa jyl merekesin úıde ótkizýge keńes berdi.