Koronavırýs: Atyraý oblysynda statsıonarda 22 naýqas emdelip jatyr

ATYRAÝ. QazAqparat – «Jasyl» aımaqtaǵy Atyraý oblysynda koronavırýs ınfektsııasyn juqtyrý kórsetkishi tómendep, bir ınfektsııalyq statsıonarda 22 naýqas emdelip jatyr. Onyń ishinde 2 patsıenttiń jaǵdaıy aýyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, 3 naýryzda 6 adam COVID-19 ınfektsııasyn juqtyrǵan.

«Atyraý oblysynda qaýipti vırýsty juqtyrý kórsetkishi tómendedi. Máselen, ótken táýlikte koronavırýs ınfektsııasyna shaldyqqan 6 adamnyń 5-eýi Atyraý qalasynda, 1-eýi Teńiz ken ornynda tirkelip otyr. Ótken táýlikte qaýipti vırýstan 5 adam saýyǵyp shyqty. Qazir úı jaǵdaıynda 205 adam, modýldik aýrýhananyń ınfektsııalyq statsıonarynda emdelý úshin 22 naýqas oqshaýlanǵan. Óńirdegi 2 360 orynǵa arnalǵan ınfektsııalyq statsıonarlardaǵy júkteme 0,9% quraıdy», - dep habarlady basqarmanyń baspasóz qyzmetinen.

«Jasyl» aımaqtaǵy óńirde jansaqtaý bólimine túsken naýqastar sany azaıǵan. Statsıonarlardyń 106 tósek-orynǵa eseptelgen jansaqtaý bóliminde jaǵdaıy nasharlaǵan 2 patsıent em-dom qabyldap jatyr. Bul bólimdegi júkteme – 1,9%. Ókpeni jasandy jeldetý apparatyna qosylǵan naýqastar joq.

Sondaı-aq jeti aýdanda, №2 oblystyq aýrýhana men ftızıopýlmanologııalyq ortalyqta, Teńiz ken ornynda ashylǵan ınfektsııalyq statsıonarlarda emdelýge jatqyzylǵan naýqastar joq.