Koronavırýs: Atyraý oblysynda statsıonarda 200-den astam naýqas jatyr

ATYRAÝ. QazAqparat – Atyraý oblysynda 541 adam koronavırýs ınfektsııasymen aýyryp jatyr. Onyń ishinde 207 naýqas ınfektsııalyq statsıonarlarda, al 334 patsıent úıinde emdelý úshin oqshaýlanǵan, dep habarlaıdy QazAqparat.

Atyraý oblystyq Densaýlyq saqtaý basqarmasynyń baspasóz qyzmeti taratqan aqparatqa súıensek, ótken táýlikte qaýipti vırýsty 13 adam juqtyrǵan. Naqtylaı aıtqanda, Atyraý qalasynda – 7, Teńiz ken ornynda – 4, Qurmanǵazy aýdanynda 2 naýqas anyqtalǵan.

«Ótken táýlikte koronavırýs ınfektsııasynan 51 adam saýyǵyp shyqty. Qazir uı jaǵdaıynda emdelý úshin 334 naýqas oqshaýlandy. Al, modýldik aýrýhanada – 74, Teńiz ken ornyndaǵy ınfektsııalyq statsıonarda – 53, №2 oblystyq aýrýhanada – 44, aýdandardaǵy ınfektsııalyq statsıonarlarda 36 patsıent em qabyldap jatyr», - dep habarlady basqarmanyń baspasóz qyzmeti.

Eske sala ketelik, budan buryn «Jasyl» aımaqtaǵy Atyraý oblysynda bir kúnde 6 adam qaıtys bolǵanyn jazǵan edik.