Koronavırýs: Anglııada adamdardyń toptalyp júrýine qatysty jańa talap engizildi

NUR-SULTAN. QazAqparat – Anglııada koronavırýstyń órship bara jatqanyna baılanysty jańa shekteýler engizildi, dep habarlaıdy QazAqparat VVS-ge silteme jasap.

Anglııada koronavırýs jaǵdaıy kúrt óskendikten, dúısenbiden bastap alty adamnan asatyn toptyń jınalýyna tyıym salyndy.

Jańa talaptarǵa sáıkes adamdardyń úıde nemese kóshede, kez kelgen jerlerde jınalýyna bolmaıdy.

Alaıda bul mektep, jumys oryndary nemese úılený toılary, jerleý rásimderi jáne COVID-ten qorǵalǵan komandalyq sport túrlerine qatysty emes.

Eldiń Premer-Mınıstri Borıs Djonson sársenbide Daýnıng-strıttegi baspasóz konferentsııasynda qosymsha málimetter usynbaq.