Koronavırýs: Almatyda vaktsına saldyrǵandar sany 200 myńnan asty

ALMATY. QazAqparat - Baqytjan Saǵyntaev «Almaty» telearnasyndaǵy Akimat Live baǵdarlamasynda vaktsınatsııa koronavırýs ınfektsııasymen kúreste mańyzdy ekenin aıtty, dep habarlaıdy QazAqparat tilshisi.

Megapolıs ákiminiń aıtýynsha, qoǵamdyq bereke jáne qala ómiriniń burynǵy qalpyna qaıta oralýy árqaısymyzǵa tikeleı baılanysty.

Sonymen qatar, ol kóp nárseniń bıznes ókilderine qatysty ekenin tilge tıek etti.

Olar ujym múshelerin ekpeden ótkizý arqyly klıentteri aldynda jaýapkershilikterin kórsete alady.

Kelýshilerdiń densaýlyǵyna degen shynaıy qamqorlyq osydan kórinedi, bul ásirese qoǵamdyq tamaqtaný oryndaryna, qyzmet kórsetý salalaryna tikeleı qatysty.

Aıta keteıik, Almatyda qalalyqtardy jappaı vaktsınalaý 2 sáýirde bastaldy.

«Ótken táýlikterde KVI-ge qarsy vaktsınany 6 037 adam aldy. Jalpy aǵymdaǵy jyly 1 aqpan men 4 mamyr aralyǵynda 232 295 adamǵa ekpe salyndy. Onyń ishinde 25 sáýirden bastap QazVas vaktsınasyn 2 723 adam aldy. ІІ komponentti «Spýtnık –V» ekpesin 87 214 adam qabyldady. Sonymen qatar, Hayat Vax preparatymen vaktsınalaý bastaldy»,-dedi Baqytjan Saǵyntaev.