Koronavırýs: Almatyda naýqastardy emdeıtin tósek-oryn qory 58% tolǵan

ALMATY. QazAqparat – Almatyda tósek-orynnyń qory 58,3 % tolǵan. Bul týraly Almaty qalasy Sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda málim etti, dep habarlaıdy QazAqparat tilshisi.

«4 mamyrdaǵy jaǵdaı boıynsha Almaty qalasynda koronavırýs ınfektsııanyń 56 526 jaǵdaıy tirkeldi. Ótken táýlikte 658 adamnan koronavırýs anyqtaldy.Táýliktik ósim -1,1%. Reprodýktıvti sany - 0,999. Emdelgender - 44 393 adam, qosymsha táýligine - 200 naýqas saýyǵyp shyqty. Qańtar aıynda - 3 607 jaǵdaı, aqpan aıy – 2 945, naýryzda – 9 500, sáýirde – 19 900 vırýs juqtyrý jaǵdaıy tirkelgen»,-deıdi ol.

Sonymen qatar, ol qalada koronavırýs belgisi bar naýqastar sany artqanyn jetkizdi.

«KVI shtammdarynyń mýtatsııalanýyna baılanysty KVI juqtyrý men dertke shaldyǵý jalǵasýda. Sımptomsyz naýqastardyń úles salmaǵy tómendeýde, sımptomdyq naýqastar kóbeıýde, máselen qańtarda 73%, aqpanda 70%, naýryzda 78%, sáýirde 86%, mamyr aıynyń úsh kúninde 87,4%-dy qurady. Negizinen ınfektsııany 20-dan 70-ke deıingi jas aralyǵyndaǵylar tez juqtyrady. Olar naýqastardyń jalpy sanynyń 76%-yn qurap otyr»,-dedi Ásel Qalyqova.

Onyń aıtýynsha, medıtsınalyq qyzmettiń sapasyn arttyrý maqsatynda patsıentterdi syrqat degeıine qaraı bóledi.

«ıAǵnı, eshelondaý qaǵıdaty engizilgen .Birinshi eshelonǵa jaǵdaıy aýyr naýqastar, qosalqy aýrýlary jáne yqtımal qaýipteri bar ortasha aýyrlyqtaǵy patsıentter jatady. Ekinshi eshelonǵa ortasha aýyr jaǵdaıdaǵy patsıentter jatady, al úshinshi eshelon-rezervtik statsıonarlar. Osynyń arqasynda tósek-oryndar jetkilikti. Búginde tósek-oryn qorynyń 58,3% - y, reanımatsııalyq tósek- oryndardyń 51,6% - y tolǵan», -dedi ol.