Koronavırýs: Almatyda ınfektsııalyq oryndar rezervi jasaqtalýda
«Búgin №4 qalalyq perzenthananyń jańa korpýsyn qarap shyqtym. Munda COVID-19-ben aýyrǵandar úshin qosymsha 50 tósek-oryn ashylady. Koronavırýs ınfektsııasyn juqtyrǵan júkti áıelderge arnalǵan gospıtaldy daıyndaý boıynsha qurylys-jóndeý jumystary aıaqtaldy. Qazir hırýrgııalyq, reanımatsııalyq jabdyqtardy, ókpeni jasandy jeldetý apparattaryn qosý jumystary júrgizilýde. Sóıtip aptanyń sońyna qaraı bul jer KVI-men bosanatyn áıelderdi qabyldaýǵa daıyn bolady.
Osylaısha kovıdti statsıonar retinde jumys isteıtin perzenthananyń qýaty 105 tósek-orynǵa jetkiziledi. Ýaqytyly kórsetilgen joǵary bilikti medıtsınalyq kómektiń arqasynda analar men jańa týǵan nárestelerdiń densaýlyǵy men ómirine qaýip tómendeıdi», - dedi Almaty ákimi jelidegi paraqshasynda .
Sonymen qatar, Almaty ákimi arnaıy medıtsınalyq áleýmettik qyzmetter ortalyǵynyń qurylysymen de tanysty. Bul ǵımarat COVID-19-ǵa qarsy kúres aıasynda
oryn qoryn turaqtandyrý maqsatynda birinshi eshelondaǵy ınfektsııalyq statsıonar bolmaq. Munda 500 adam emdeletin bolady.
Ákimniń aıtýynsha, ǵımarat 1 aıdan soń paıdalanýǵa beriledi.
Aıta ketý kerek, Almatyda barlyq densaýlyq saqtaý nysandary sanıtarlyq-epıdemıologııalyq talaptardy saqtaı otyra koronavırýs gospıtalderine aýysyp jatyr.