Koronavırýs: Almatyda 9 bala ınfektsııalyq statsıonarda jatyr

ALMATY. QazAqparat – Almatyda bir táýlikte 31 adam koronavırýs juqtyrdy. Onyń 25-de sımptom bar, 6-da aýrý belgileri joq. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

4 adam jazylyp shyqsa, 6 adam aýrýhanaǵa jańadan tústi.

845 tósek-oryndyq ınfektsııalyq statsıonarlarda 128 adam jatyr, onyń ishinde 9 bala bar.

Jalpy reanımatsııa jáne qarqyndy terapııa bólimshesinde 18 adam jatyr.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 209 naýqas bar.

Onyń ishinde jeńil jáne ortasha aýyr jaǵdaıda – 196 naýqas, sımptomsyz 13 naýqas bar.