Koronavırýs: Almatyda 1,5 myńnan astam naýqas emdelip jatyr

ALMATY. QazAqparat- 31 qańtardaǵy jaǵdaı boıynsha Almatyda koronavırýs ınfektsııasynyń 1556 jańa jaǵdaıy tirkeldi, onyń 1461 - sımptomdary bar jáne 95 - sımptomsyz. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

Búkil emdelip shyqqandar – 567, kelip túskeni – 144.

«Infektsııalyq statsıonarlarda (3 310 tósek-oryn) jalpy sany 1 662 adam (onyń ishinde 168 balalar) emdelip jatyr. Jalpy reanımatsııa jáne qarqyndy terapııa bólimshesinde – 99 adam emdelip jatyr» delingen habarlamada.

Sondaı-aq, ókpeni jeldetý apparatyna – 22, ınvazıvti emes apparatqa – 26 adam qosylǵan. High flow-da 21 apparat jumys istep tur.

11 470 naýqas alǵashqy medıtsınalyq sanıtarııalyq kómek pen telemedıtsına ortalyǵy dárigerleriniń baqylaýynda.

Onyń ishinde jeńil jáne ortasha aýyr jaǵdaıda - 10 747, sımptomsyz 723 naýqas bar.