Koronavırýs: Almaty oblysynda bir kúnde 147 adam statsıonarǵa jatqyzyldy

TALDYQORǴAN. QazAqparat - Almaty oblysynda 1077 adam aýrýhanada koronavırýstan emdelip jatyr. 26 qańtarda 147 adam emdeý mekemesine túsken, dep habarlaıdy QazAqparat tilshisi.

«Sońǵy táýlikte KVI-dyń 265 jaǵdaıy tirkeldi. Onyń ishinde: 14 jasqa deıingi balalar – 43, oqýshylar arasynda – 27 jaǵdaı, stýdentter arasynda – 2 jaǵdaı, muǵalimder arasynda – 9 jaǵdaı jáne kúshtik qurylymdary arasynda – 2 jaǵdaı.

Oblys óńirleri bólinisinde KVI syrqattanýshylyǵy: Balqash – 9, Eńbekshiqazaq – 12, Eskeldi – 7, Jambyl – 15, Іle – 19, Qarasaı – 25, Qaratal – 14, Kegen – 1, Kerbulaq – 6, Kóksý – 17, Panfılov – 5, Talǵar – 56, Uıǵyr – 23, Taldyqorǵan – 47, Tekeli – 5, Qapshaǵaı qalasynda 4 adamnan indet anyqtaldy», - delingen Almaty oblystyq Sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomstvonyń aqparatyna sáıkes, Almaty oblysy «qyzyl» aımaqta ornalasqan.

Búginge deıin oblysta KVI-diń zerthanalyq rastalǵan 63 280 jaǵdaıy tirkelgen. Onyń ishinde 47 864 jaǵdaı sımptomdarymen.

100 myń turǵynǵa shaqqanda KVI syrqattanýshylyq kórsetkishi – 2902,9 qurady. Oblys boıynsha KVI ósý qarqyny sońǵy 2 aptada 0,5% - dan 0,7% - ǵa deıin artty. Sońǵy aptada eń joǵary ósý qarqyny Alakól - 1,4%, Balqash – 1,0%, Qarasaı – 1,0%, Kerbulaq – 1,1%, Raıymbek – 1,0%, Sarqan-1,0%, Uıǵyr – 0,9%, Kegen - 1,0% aýdandarynda baıqalady.